ఫ్లాపుల్లో వున్న సాయిధ‌ర‌మ్ తేజ్‌కు `ప్ర‌తీ రోజు పండ‌గే` చిత్రంతో హిట్‌ని అందించాడు మారుతి. ఆ త‌రువాత నుంచి ఫ్లాప్ హీరోకి హిట్ ఇచ్చాన‌ని తెగ ఫీల‌వుతున్నాడ‌ట. త‌న త‌దుప‌రి చిత్రం కూడా భారీ స్థాయిలోనే వుండేలా ప్లాన్ చేసుకుంటున్నాడ‌ట. త్వ‌ర‌లో ఎన‌ర్జిటిక్ స్టార్ రామ్‌తో మారుతి సినిమా చేయ‌బోతున్నాడ‌ని వార్త‌లు వినిపిస్తున్న విష‌యం తెలిసిందే. అయితే ఆ వార్త‌ల‌పై తాజాగా స్పందించాడు.
త‌న త‌దుప‌రి చిత్రంపై ఓ సెక్ష‌న్ మీడియా అతి చేస్తోంద‌ని, తెగ ఆస‌క్తిని చూపిస్తోంద‌ని, అందుకు థ్యాంక్స్ అని ట్విట్ట‌ర్ వేదిక‌గా స్పందించాడు. ఇక త‌న త‌దుప‌రి చిత్రం గురించి వస్తున్న వార్త‌ల్లో ఎలాంటి నిజం లేద‌ని అవ‌న్నీ వ‌ట్టి పుకార్లేన‌ని తేల్చి చెప్పేశాడు. ప్ర‌స్తుతం కొత్త క‌థ రాస్తున్నాన‌ని, అది పూర్త‌వ‌డానికి స‌మ‌యం ప‌డుతుంద‌ని, స్క్రిప్ట్ పూర్త‌య్యాకే పూర్తి వివ‌రాల్ని తెలియ‌జేస్తాన‌ని చెప్పేశాడు.
అయితే ప్ర‌స్తుతం క‌రోనా వైర‌స్ కార‌ణంగా ప్ర‌జ‌లంతా భ‌యాందోళ‌న‌కు గుర‌వుతున్న వేళ మారుతి సినిమా గురించి ఎవ‌ర‌డిగార‌ని, ఈ స‌మ‌యంలో ఇలా ట్వీట్ చేయ‌డం అతిగా లేదు అని మారుతిపై సెటైర్లు వినిపిస్తున్నాయి.