హీరో రాంచ‌ర‌ణ్‌, సుకుమార్ ద‌ర్శ‌క‌త్వంలో రూపొందిన చిత్రం `రంగ‌స్థ‌లం`. ఈ చిత్రం బాక్సాఫీస్ ముందు బ్లాక్ బ‌స్ట‌ర్‌గా నిలిచిన విష‌యం తెలిసిందే. ఈ చిత్రం త‌ర్వాత సుకుమార్ అల్లు అర్జున్‌తో సినిమాను తెర‌కెక్కిస్తున్నట్లు సమాచారం.ఈ చిత్రంలో అల్లు అర్జున్ లారీ డ్రైవర్ గా కనిపించనున్నాడని సమాచారం. ఎర్ర చందనం స్మగ్లింగ్ నేపథ్యంలో ఈ చిత్రం ఉండనుంది. అయితే ఈ చిత్రంలో అల్లు అర్జున్ మాస్ లుక్ లో రఫ్ గా కనిపించబోతున్నారు. అయితే ఈ చిత్ర షూటింగ్ మూడు వంతులు అడవి లాంటి ప్రదేశాల్లోనే సాగుతుందని సమాచారం.
అయితే ఈ చిత్రానికి సంబంధించిన ఎలాంటి ఫస్ట్ లుక్, టైటిల్, ప్రోమో ని విడుదల చేయలేదు చిత్ర బృందం. అయితే సుకుమార్ పుట్టునరోజు సందర్భంగా మైత్రి మూవీ మేకర్స్ ఈ చిత్రానికి సంబంధించిన మేకింగ్ వీడియో ని విడుదల చేసింది. 57 సెకండ్లు వున్న ఈ వీడియో సుకుమార్, అల్లు అర్జున్ అభిమానులను విపరీతంగా ఆకట్టుకుంటుంది. #AA20 టైటిల్ కార్డు తో ఈ వీడియో విడుదల అయింది. ఈ చిత్రంలో హీరో ఎలివేషన్స్ ఒక రేంజ్ లో ఉండబోతున్నాయి అని సమాచారం. ఈ చిత్రానికి దేవి శ్రీ ప్రసాద్ సంగీతాన్ని అందిస్తుండగా, అల్లు అర్జున్ కి హీరోయిన్ గా రష్మిక మందన్న నటిస్తుంది. ప్ర‌స్తుతం అల్లు అర్జున్ అల‌వైకుంఠ‌పురంలో చిత్రం హ‌డావిడిలో ఉన్నారు.
మొత్తానికి సుకుమార్ ని మైత్రిమూవీ మేకర్స్ వాళ్ళు అదిరిపోయే గిఫ్ట్ ఇచ్చారుగా. సుకుమార్ ఫుల్ హ్యాపి అనే చెప్పాలి. ఇక ఈ వీడియో సంగ‌తి అలా ఉంచితే… సుకుమార్ నుంచి కూడా సినిమా వ‌చ్చి చాలా కాల‌మే అవుతుంది కాబ‌ట్టి ఫ్యాన్స్ ఎంతో ఆత్రుత‌గా ఎదురు చూస్తున్నారు. ఇక మ‌రి ఆయన ఈ చిత్రాన్ని ఎలాంటి హంగుల‌తో తెర‌కెక్కించ‌బోతున్నాది తెలియాలి. ఒక వేళ ఈ చిత్రం క‌థ క‌థ‌నాలు అన్నీ కుదిరితే రాంచ‌ర‌ణ్‌లానే బ‌న్నీకి కూడా హిట్ ఇచ్చిన వారు అవుతారు సుకుమార్.