మెగాస్టార్ చిరంజీవి చెబితే పరిశ్రమలో కాదనేది ఎవరు? పరిశ్రమ పెద్దగా బాధ్యతలు స్వీకరించిన తర్వాత అతని మాటని జవదాటేది ఎవరు? అంత ధైర్యం ఎవరికి ఉంది? అంటే! ఉందంటూ ఓ చిన్న చిత్రాల దర్శకుడు ముందుకు వచ్చాడు. ఇంతకీ ఈ సన్నివేశం ఎలా చోటు చేసుకుంది? ఎందుకు చోటు చేసుకోవాల్సి వచ్చిందంటే అసలు వివరాల్లోకి వెళ్లాల్సిందే. మెగాస్టార్ చిన్నల్లుడు కళ్యాణ్ దేవ్ విజేత సినిమాతో నటుడిగా విమర్శకులు ప్రశంలందుకున్నాడు. కమర్శియల్ గా సక్సెస్ కానప్పటికీ నటుడిగా పనికొస్తాడని నిరూపించుకున్నాడు. దీంతో చిరంజీవి అల్లుడిని ఎలాగైనా పెద్ద స్టార్ చేయాలని మరింత సంకల్పించాడు.
ఈ క్రమంలో ముందుగా అల్లుడు కోసం కథలు వినేది ఆయనే అయ్యారు. అక్కడ గ్రీన్ సిగ్నెల్ పడితే మిగతా చోట్లకి స్ర్కిప్ట్ మూవ్ అవుతుంది. లేదంటే ఎంట్రీ కూడా లేనంతగా చిరు సీరియస్ గా అల్లుడు కోసం సమయం కేటాయిస్తున్నట్లు కొన్ని రోజులుగా కథనాలు వేడెక్కిస్తోన్న సంగతి తెలిసిందే. ఈ ప్రాసస్ లో నే చిరంజీవి యువ దర్శకుడు మారుతిని తన అల్లుడితో సినిమా చేయాల్సింది గా కోరారుట. కానీ మారుతిని ఆఫర్ ని సున్నింతంగా తిరస్కరించాడుట. నేరుగా ఆయనతో అలా చెప్పకుండా మధ్యవర్తుల ద్వారా విషయం చిరంజీవి చెవిన చేరవేసాడుట. మరి మారుతి ఇంతగా ఎందుకు రియాక్ట్ అయ్యాడంటే తనకు స్ర్కిప్ట్ లకున్నా డిమాండ్ నే క్రేజీగా ఫీలై నోరు జారాడు అన్న మాట ఇన్ సైట్ ఆసక్తికరంగా మారింది.
ప్రస్తుతం మారుతి మినిమం మార్కెట్ ఉన్న హీరోలను డైరెక్ట్ చేస్తున్నాడు. మళ్లీ ఇప్పుడు కొత్తగా పరిచయం అవుతోన్న స్టార్లను డైరెక్ట్ చేస్తే తన ఇమేజ్ కు డ్యామేజ్ కల్గుతుందని భావించే చిరు ఆఫర్ ని సైతం తిరస్కరించాడని టాక్ వినిపిస్తోంది. అయితే మారుతి ఇక్కడో విషయం మర్చిపోయాడని కొంత మంది గట్టిగా విమర్శిస్తున్నారు. పొద్దుట లేస్తే మెగా ఫ్యామిలీ చుట్టు తిరిగే డైరెక్టర్ అతను. మారుతి మెగా ఫ్యామిలీ అండతోనే పరిశ్రమలో రాణిస్తున్నాడు. చిరంజీవి ప్రోత్సాహం వల్లే మారుతిలో దర్శకుడు బయట పడ్డాడు. కానీ ఇప్పుడు ఆయన మాటనే జవదాటాడు అంటూ ఫిలిం సర్కిల్స్ లో ఆసక్తికరంగా మారింది.