కొర‌టాల శివ‌కు రౌడీ హీరో షాకింగ్ రిప్లై!

టాలీవుడ్‌లో క్రేజీ హీరోగా పేరు తెచ్చుకున్న విజ‌య్ దేవ‌రకొండ స్టార్ డైరెక్ట‌ర్ కొర‌టాల శివ‌కు షాకింగ్‌రిప్లై ఇవ్వ‌డం ఆస‌క్తిక‌రంగా మారింది. లాక్‌డౌన్ పొడిగించ‌డంతో టాలీవుడ్‌లో కొత్త ఛాలెంజ్ వైర‌ల్ అవుతుఏన్న విష‌యం తెలిసిందే. `బీ ద రియ‌ల్ మెన్‌` ఛాలెంజ్ పేరుతో ఇంట్లో వాళ్ల‌కు అంట్లు తోమ‌డం, బ‌ట్ట‌లు వుత‌క‌డం.. మొక్క‌లకు నీళ్లు పోయ‌డం.. ఇష్ట‌మైన వారికి వంట చేయ‌డం వంటి ఛాలెంజ్ య‌మ జోరుగా సాగుతోంది.

సందీప్ వంగ మొద‌లుపెట్టిన ఈ ఛాలెంజ్ క్ర‌మ‌క్ర‌మంగా వైర‌ల్ అవుతోంది. రాజ‌మౌళి టు తార‌క్ .. తార‌క్ టు కొర‌టాల‌కు వెళ్లిన ఈ ఛాలెంజ్ ఇప్పుడు విజ‌య్ దేవ‌ర‌కొండని తాకింది. ఇంట్లో పాత్ర‌ల్ని క‌డిగి క్లీన్ చేసిన కొర‌టాల ఆ త‌రువాత డైనింగ్ టేబుల్‌తో పాటు ఫ్లోర్‌ని కూడా క్లీన్ చేసి త‌న టాస్క్‌ని పూర్తి చేశారు. తన‌కు సంబంధించిన వీడియోని పోస్ట్ చేస్తూ ఈ ఛాలెంజ్‌కి రౌడీ హీరో విజ‌య్ దేవ‌ర‌కొండ‌ని నామినేట్ చేశాడు.

అయితే ఊహించ‌ని స్థాయిలో విజ‌య్ నుంచి రిప్లై రావ‌డం ఆక‌ట్టుకుంటోంది. `శివ సార్ మా మ‌మ్మి న‌న్ను ప‌ని చేయ‌నిట్లే. ప‌ని డ‌బుల్ అవుతుందంట‌. ఇంట్లో ఇంకా మ‌మ్మ‌ల్ని రియ‌ల్‌మెన్ చూడ‌ట్లే మ‌మ్మ‌ల్ని. పిల్ల‌ల్లానే ట్రీట్ చేస్తున్నారు. అయితే ఈ లాక్‌డౌన్ పిరియ‌డ్లోని ఓ రోజుని ఖ‌చ్చితంగా మీకు చూపిస్తాను` అని ట్వీట్ చేయ‌డం ఆస‌క్తిక‌రంగా మారింది. అదే విజ‌య్ దేవ‌ర‌కొండ స్టైల్ అని అత‌ని ఫ్యాన్స్ చెబుతున్నారు.