టాలీవుడ్ రాక్‌స్టార్ దేవిశ్రీ‌ప్ర‌సాద్‌. త‌న‌దైన సంగీతంతో హుషారెత్తించే సంగీతం దేవీ సొంతం. తెలుగులో టాప్ మ్యూజిక్ డైరెక్ట‌ర్ గా క్రేజ్‌ని సొంతం చేసుకున్న దేవి గ‌త కొంత కాలంగా తెలుగులో త‌న ప‌ట్టుని కోల్పోతున్నాడు. త‌మ‌న్ ఆ స్థానాన్ని ద‌క్కించుకుంటున్నాడు. ఇదిలా వుంటే దేవీ పాట‌ల‌కు బాలీవుడ్‌లో మంచి ఫాలోవ‌ర్స్ వున్నారు.
`ఆ అంటే అమ‌లా పురం..` నుంచి `ఆర్య 2` కోసం చేసిన `రింగ రింగా…` పాట‌లు బాలీవుడ్‌లో ట్రెండ్ సెట్టర్స్ అయ్యాయి. తాజాగా దేవీకి ఈ పాట‌లే బాలీవుడ్ ఆఫ‌ర్‌ని తెచ్చిపెట్టాయి. సల్మాన్ఖాన్ న‌టిస్తున్న తాజా చిత్రం `రాధే`. ప్ర‌భుదేవా డైరెక్ట్ చేస్తున్నాడు. ఈ చిత్రానికి సంగీతం అందించే ఛాన్స్ దేవిశ్రీ‌ప్రసాద్‌ని వెతుక్కుంటూ వ‌చ్చింది. ఈ ప్ర‌పోజ‌ల్‌ని ప్ర‌భుదేవా తీసుకొచ్చాడ‌ట. చెప్పిన వెంట‌నే సల్మాన్ఖాన్ ఓకే చెప్పేశాడ‌ట. 2011లో స‌ల్మాన్ హీరోగా రీమేక్ అయిన `రెడీ` చిత్రం కోసం `ధింక చిక…` అనే పాట‌కు మ్యూజిక్ కంపోజ్ చేశాడు. మ‌ళ్ళీ ఇన్నేళ్ల‌కి పూర్తి స్థాయిలో అన్ని పాట‌ల‌కు సంగీతం అందించే అవ‌కాశం `రాధే` చిత్రంతో ద‌క్కింది.