బాహుబలి సినిమా చూస్తే అటు ప్రభాస్ కు తగ్గ ఆహార్యం, శరీర భాషతో దుర్భేద్యమైన కోటలో అంతే ఠీవిగా కనిపిస్తాడు రానా. అలాంటి రానా తాజాగా సోషల్ మీడియాలో పోస్ట్ చేసిన ఫోటో చేస్తే అయ్యో ఇదేంటి ఇలా అయిపోయాడు అని అనిపించక మానదు. వివరాల్లోకి వెళ్తే…
గత కొంత కాలంగా రానా దగ్గుబాటి అమెరికాలో ఉంటున్నాడు. కారణం అతని కిడ్నీ సమస్యకు చికిత్స నిమిత్తం రెండు మూడు నెలల నుంచి అక్కడే ఉంటున్నాడు. అయితే ఈ కిడ్నీ సమస్య ఆయనకు కొన్నేళ్ల నుంచి ఉంది అది ముదరడంతో అమెరికాలో ప్రస్తుతం చికిత్స తీసుకుంటున్నాడు. అసలైతే ఈ పాటికి మన దేశం రావాల్సింది కానీ వైద్యులు మరొక నెల చికిత్స అవరసరమని చెప్పడంతో ఇంకా అక్కడే ఉన్నాడు.
ఆయన స్వయంగా సోషల్ మీడియాలో పోస్ట్ చేసిన ఫోటో ఇది. చూస్తే చాలా చిక్కిపోయి ఉన్నాడు. గడ్డంతో కనిపిస్తున్నాడు. ఈ మార్పు మరే సినిమా కోసం కాదని ఒక బ్రాండ్ ను ప్రమోట్ చేస్తూ ఉన్న ఫోటో పెట్టాడని అర్ధం అవుతుంది. అయితే అతని అభిమానులు మాత్రం అతన్ని చూసి బహుశా అతని చికిత్స కోసం ఇలా మారాల్సి వచ్చిందేమో అని అనుకుంటున్నారు. చిన్న వయసులో ఇటు నిర్మాణంలో కూడా దిగిన హీరో అని చెప్పాలి. అతను తిరిగి రాగానే వేణు ఉడుగుల ‘విరాట పర్వం’ షూటింగ్లో పాల్గొనాల్సి ఉంది. అతనికి త్వరగా నయం అయ్యి స్వదేశం ఆరోగ్యoగా తిరిగి రావాలని ఆశిద్దాం.