టాలీవుడ్ యంగ్ హీరో నిఖిల్ సిద్దార్థ్ ‘కార్తికేయ’ చిత్రంతో పాన్ ఇండియా లెవల్‌లో గుర్తింపు తెచ్చుకున్నాడు. తర్వాత దానికి సీక్వెల్‌గా తెరకెక్కిన ‘కార్తికేయ-2’ తో మరింత ప్రేక్షకుల్లో మరింత క్రేజ్ తెచ్చుకున్న ఈ కుర్ర హీరో.. ప్రజెంట్ వరుస సినిమాలు చేస్తూ సందడి చేస్తున్నాడు. ప్రస్తుతం సినిమా షూటింగులతో బిజీగా ఉంటోన్న నిఖిల్ తాజాగా తెలంగాణ రాష్ట్ర గవర్నర్ జిష్ణు దేవ్ వర్మను ప్రత్యేకంగా కలిశారు. ఈ విషయాన్ని అతనే సోషల్ మీడియాలో షేర్ చేసుకున్నారు. గవర్నర్ తో భేటీకి సంబంధించిన ఫొటోలను ట్విట్టర్ ద్వారా పంచుకున్నారు.
తెలంగాణ రాష్ట్ర గవర్నర్ గౌరవనీయులైన జిష్ణు దేవ్ వర్మ జీతో సమావేశం ఎంతో అద్భుతంగా అనిపించింది. సినిమా నుంచి జాతీయ ఐక్యత వరకు వాటికి సంబంధించిన వివరాల గురించి మాట్లాడారు. దీన్ని సాకారం చేసినందుకు అమరవాణి ఫౌండేషన్, మదన్ గోసావి జీ, సాకేత్ జీ అండ్ కృష్ణ చైతన్యలకు ధన్యవాదాలు’ అంటూ ట్వీట్ చేశాడు నిఖిల్. ప్రజెంట్ ఇందుకు సంబంధించిన ఫొటోలు నెట్టింట వైరల్ అవుతున్నాయి.
అయితే నిఖిల్ ఏ సందర్భంలో గవర్నర్ ను కలిశాడో ఫుల్ క్లారిటీ ఇవ్వలేదు. ఇక నిఖిల్ సినిమాల విషయానికి వస్తే ఈ మధ్యనే అప్పుడో ఎప్పుడో ఎప్పుడో సినిమాతో మన ముందుకి వచ్చిన ఈ హీరో ప్రస్తుతం ‘స్వయంభూ అనే పాన్ ఇండియా చిత్రంలో నటిస్తున్నాడు. కార్తికేయ 2 తో ఇప్పటికే పాన్ ఇండియాగా హీరోగా మారిన నిఖిల్ ఇప్పుడు మరో పాన్ ఇండియా మూవీ తో మన ముందుకి రాబోతున్నాడు.
భరత్ కృష్ణమాచారి దర్శకత్వంలో తెరకెక్కతున్న స్వయం భూ సినిమాలో సంయుక్తా మీనన్, నభా నటేష్ హీరోయిన్లుగా నటిస్తున్నారు. రెండు పార్టులుగా రాబోతున్న ఈ చిత్రం ప్రజెంట్ షూటింగ్ శరవేగంగా జరుగుతోంది. పిరియాడికల్ యాక్షన్ థ్రిల్లర్ గా తెరకెక్కుతున్న ఈ సినిమారెండు పార్టులుగా రిలీజ్ కానుందని తెలుస్తోంది. ఇప్పటికే ఈ సినిమా నుంచి రిలీజైన స్టిల్స్ అంచనాలు పెంచేశాయి. త్వరలోనే స్వయంభూ నుంచి మరిన్ని అప్ డేట్స్ రానున్నాయి.