హైదరాబాద్ నగరంలో అర్ధరాత్రిపూట దారుణం జరిగింది. మెహదీపట్నం ఫ్లై ఓవర్ సమీపంలో అక్రమ సంబంధం పేరిట భర్త భార్యను అనుమానించడంతో చేతిలో ఉన్న బిడ్డను తల్లి రోడ్డుపైకి విసిరేసింది. సోమవారం అర్ధరాత్రి జరిగిన ఈ సంఘటన కలకలం రేపింది.
అక్రమ సంబంధం పేరిట భార్యను భర్త అనుమానించాడు. బిడ్డ తనకు పుట్టలేదని భార్యతో ఘర్షణ పడ్డాడు. బిడ్డ తనకు పుట్టలేదని అనుమానిస్తున్నాడని తన భర్తతో నడి రోడ్డుపైనే ఆ మహిళ ఘర్షణకు దిగింది. భర్తపై కోపంతో తన చేతిలోని చిన్నారిని రోడ్డుపై పడేసింది. తన పై కోపం చిన్నారిపై చూపడం ఏంటని భర్త ఆమె పై చేయి చేసుకున్నాడు. అక్కడే ఉన్న వారు భార్యభర్తలను సముదాయించారు. అర్ధరాత్రి భార్య భర్తలు రోడ్డుపై ఘర్షణ పడిన వీడియో కింద ఉంది చూడండి.
ఇదంతా గమనించిన ట్రాఫిక్ పోలీసులు భార్యభర్తలకు కౌన్సిలింగ్ నిర్వహించారు. చిన్నారిని తల్లిదండ్రులకు అప్పగించి అక్కడి నుంచి పంపించారు. వీరి గొడవ కారణంతో భారీ ట్రాఫిక్ జామ్ ఏర్పడింది.