ఆస్ట్రేలియాలో భారత్ చారిత్రాత్మక విజయం సాధించింది. బోర్డర్-గవాస్కర్ టెస్ట్ సిరిస్ ను ఆస్ట్రేలియా గడ్డపె గెలుచుకొని రికార్డు నమోదు చేసింది. 4 టెస్టుల సిరిస్ ను 2-1 తో భారత్ గెలుచుకుంది. వర్షం కారణంగా చివరి రోజు మ్యాచ్ ను అధికారులు రద్దు చేయడంతో సిడ్నీ టెస్ట్ డ్రాగా ముగిసింది. దీంతో సిరీస్ భారత్ వశం అయ్యింది.
ఆస్ట్రేలియా గడ్డ పై 72 ఏళ్లలో భారత్ తొలి టెస్ట్ సిరీస్ ను గెలుచుకుంది. గతంలో 1980-81, 1985-86, 2003-04లో భారత్ సిరిస్ ను డ్రా గా చేసుకుంది. ఇప్పటి వరకు ఆస్ట్రేలియా గడ్డ పై ఆడిన 47 టెస్టుల్లో భారత్ కు 7 విజయాలు దక్కాయి. సిరిస్ ను గెలుచుకొని కోహ్లి సేన చరిత్ర సృష్టించింది.