Pawan Kalyan : ‘రన్ రాజా రన్’ సినిమాతో టాలీవుడ్‌ దృష్టిని ఆకర్షించిన డైరెక్టర్ సుజిత్. చిన్న సినిమానే అయినా మంచి గ్రిప్సింగ్‌ స్క్రీన్‌ప్లేతో ఎంటర్టైన్‌మెంట్ మిస్ కాకుండా తెరకెక్కిన ‘రన్ రాజా రన్’ సినిమా హీరోగా శర్వానంద్‌కీ మంచి పేరు తీసుకొచ్చింది.
ఆ తర్వాత ప్రబాస్‌తో సినిమాకి ఓకే కమిట్ అయ్యాడు సుజిత్. అదే ‘సాహో’. నిజానికి ‘బాహుబలి’కి ముందే ప్రబాస్‌తో సుజిత్ ఈ సినిమా చేయాల్సి వుంది. కానీ, ‘బాహుబలి’ లేట్ అవ్వడం, ప్యాన్ ఇండియా లెవల్లో సంచలనం కావడంతో, ప్రబాస్ – సుజిత్ కాంబినేషన్ ప్రాజెక్ట్ అనుకున్న రేంజ్‌ని మించి తెరకెక్కించాల్సి వచ్చింది.
అలా కలగా బులగం కావడంతో ‘సాహో’ అడ్డగోలు సినిమాగా ఫెయిల్యూర్ లిస్టులోకి వెళ్లిపోయింది. దాంతో డైరెక్టర్ సుజిత్‌ని మర్చిపోయారంతా. ఇప్పుడు ఆయన మళ్లీ హాట్ టాపిక్ అయ్యారు.
ఈ సారి సుజిత్ మరో ‘పవర్’ ఫుల్ ప్రాజెక్టుతో రాబోతున్నాడు. పవర్ స్టార్ పవన్ కళ్యాణ్ కోసం ఓ ప్యాన్ ఇండియా స్టోరీని సిద్ధం చేసుకున్నాడు ఈ గ్యాప్‌లో సుజిత్. డి.వి.వి దానయ్య ఈ సినిమాని భారీ బడ్జెట్‌తో ప్రతిష్టాత్మకంగా రూపొందించబోతున్నారట.
త్వరలోనే పూర్తి వివరాలు వెల్లడి కానున్నాయి. కాగా, మరోవైపు పవన్ కళ్యాణ్, క్రిష్‌తో ‘హరిహర వీరమల్లు’ సినిమాతో బిజీగా వున్న సంగతి తెలిసిందే. అలాగే హరీష్ శంకర్ ‘భవదీయుడు భగత్‌సింగ్’ స్క్రిప్టు పనులు కూడా వేగంగా జరుగుతున్నాయ్. మరి, సుజిత్ సినిమా ఎప్పుడు ట్రాక్ మీదికి వెళుతుందో చూడాలిక.