Bheemla Nayak : రోజులు మారాయ్. సినిమా ఈక్వేషన్లూ మారిపోయాయ్. పవర్ స్టార్ పవన్ కళ్యాణ్ సినీ ఇమేజ్ తగ్గిందని అనలేంగానీ, ఆయన సినిమాల్లో మునుపటి జోరు అయితే కనిపించడంలేదు. అటు రాజకీయం, ఇటు నటన.. ఇలా రెండు పడవల ప్రయాణమంటే ఎంత ఒత్తిడితో కూడుకున్నదై వుంటుంది.?
పవన్ కళ్యాణ్ మునుపటి హ్యాండ్సమ్ లుక్తో కనిపించడంలేదు. డాన్సుల సంగతి సరే సరి. యాక్షన్ ఎపిసోడ్స్ విషయంలో కూడా రాజీ పడుతున్నారేమోనని ‘వకీల్ సాబ్’ సినిమా చూశాక చాలామంది అనుకున్నారు. కామెడీ పంచ్లు ఇదివరకటిలా వెయ్యలేకపోతున్నారు, హీరోయిన్లతో రొమాన్స్ విషయంలోనూ ‘అతకడం లేదు’.
నో డౌట్, పవన్ కళ్యాణ్ కమర్షియల్ హీరో. ఆయన్నుంచి మాంఛి కమర్షియల్ హిట్ రావాలంటే, ‘గబ్బర్ సింగ్’, ‘అత్తారింటికి దారేది’ తరహా జోష్ వుండాలి. ‘భీమ్లానాయక్’ సినిమా కథ విభిన్నమైనది. అయినాగానీ, పవన్ కళ్యాణ్ పవర్ ఆ సినిమాకి పెద్ద ప్లస్ పాయింట్.
ఎంత పవర్ వున్నాగానీ, పవన్ కళ్యాణ్ ‘భీమ్లానాయక్’ సినిమాతో రికార్డులు కొల్లగొట్టడమైతే సాధ్యపడకపోవచ్చు. అందుకు బలమైన కారణమేంటంటే, ఆంధ్రప్రదేశ్లో నడుస్తున్న సినిమాటిక్ రాజకీయం. ‘భీమ్లానాయక్’ సినిమా మీద వైసీపీ దెబ్బ మామూలుగా వుండదు. అందుకే, ఆ ధైర్యంతోనే..
‘పవన్ కళ్యాణ్ ఏమన్నా పెద్ద స్టారా.?’ అంటూ మంత్రి పేర్ని నాని ‘ఛాలెంజ్’ చేసెయ్యగలిగారు.
పవన్ అభిమానులు ఇక్కడే చాలా హర్ట్ అవుతున్నారు. ఎలాగైనా, 100 కోట్లు ఆపైన.. అంటే, 150 కోట్ల దాకా ‘భీమ్లానాయక్’ వసూలు చేసేలా తమ సత్తా చాటాలని అనుకుంటున్నారు. కానీ, సాధ్యపడే విషయమేనా అది.? ఇప్పుడున్న పరిస్థితుల్లో.!