NTR Called Sumakka : సుమ కనకాల.. ఈ పేరుకు పరిచయమే అక్కర్లేదు. బుల్లితెరపై యాంకర్గా తిరుగులేని పాపులారిటీ సుమది. అలాగే, వెండితెరపై కూడా ఆమెకు మంచి పేరుంది. యాంకరింగ్లో సుమని కొట్టేవారే లేరు. అలాగే, సినిమా ఫంక్షన్లకు సంబంధించి కూడా సుమ చాలా చాలా బిజీ.
అన్నట్లు సుమక్క హోస్టింగ్ చేస్తే, ఆ సినిమా సూపర్ హిట్టు.. అనే ప్రచారం కూడా వుంది. ఈ మధ్య ఆడియో ఫంక్షన్లకు వచ్చిన అతిథులు సైతం ప్రత్యేకంగా సుమ యాంకరింగ్ని తెగ మెచ్చేసుకుంటున్నారు. అలాంటి సుమక్కను ‘గయ్యాలీ.. చాదస్తం ఎక్కువ..’ అంటూ ఎన్టీయార్ షాకింగ్ కామెంట్స్ చేశారు.
ఇంతకీ అసలు విషయంలోకి వెళితే, ‘ఆర్ఆర్ఆర్’ ప్రమోషన్స్లో రామ్ చరణ్, ఎన్టీయార్, రాజమౌళి, కీరవాణి.. ఇలా చిత్ర యూనిట్ అంతా ఫుల్ బిజీగా గడిపేస్తున్నారు. ఈ క్రమంలోనే కీరవాణి, ఎన్టీయార్, రామ్ చరణ్ ఈ ముగ్గురూ ఓ ఇంటర్వ్యూ సందర్భంగా సుమక్క టాపిక్ తీసుకొచ్చారు.
సందర్భం ఎలా వచ్చిందో ఏమో కానీ, సుమక్క టాపిక్ వచ్చింది వీళ్ల మధ్య. ఒకవేళ సుమ సినిమాలో ఏదైనా పాత్ర చేయాల్సి వస్తే, ఎలాంటి పాత్ర చేస్తే బావుంటుంది.? అని కీరవాణి, ఎన్టీయార్ని అడగ్గా.. బాగా ముసలమ్మ క్యారెక్టర్ చేస్తే బావుంటుందని చెబుతూ, నాటి తరం గయ్యాలీలైన సూర్యకాంతం, ఛాయాదేవి తదితర పాత్రలు సుమక్కకు బాగా నప్పుతాయ్.. అంటూ ఎన్టీయార్ చెప్పడం నవ్వులు పూయించింది.
అన్నట్టు గతంలో నటిగానూ అనుభవం వున్న సుమ, తాజాగా ‘జయమ్మ పంచాయితీ’ అనే సినిమాతో మరోసారి వెండితెరపై సందడి చేయనుంది. అనూహ్యంగా ఈ సినిమాకి ‘ఆర్ఆర్ఆర్’ టీమ్ ఫ్రీ పబ్లిసిటీ ఇచ్చినట్లవుతోంది.