RRR :గత కొన్ని రోజులు నుంచి కూడా పాన్ ఇండియన్ సినిమా దగ్గర మోస్ట్ అవైటెడ్ గా ఉన్న భారీ సినిమా ట్రిపుల్ ఆర్(RRR) చిత్ర యూనిట్ సైలెంట్ గా ఉన్న సంగతి తెలిసిందే. మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లతో దిగ్గజ దర్శకుడు రాజమౌళి తీసిన ఈ భారీ సినిమా విడుదల ఊహించని విధంగా కాస్త ముందే విడుదల అవుతుండడంతో మరింత స్థాయి అంచనాలు దీనిపై నెలకొన్నాయి.
అయితే ఈ మధ్యలో సినిమా నుంచి మేజర్ గా ఎలాంటి అప్డేట్స్ ఇవ్వలేదు. కానీ ఇప్పుడు రానున్న మార్చ్ నెలలో రెండు బిగ్గెస్ట్ అప్డేట్స్ ని అందిస్తున్నట్టు ఓవర్సీస్ సినీ వర్గాలు చెబుతున్నాయి. రాబోయే మార్చ్ 9 న అలాగే మార్చ్ 14 ఈ రెండు తేదీలలో చిత్ర బృందం భారీ అప్డేట్స్ ని సిద్ధం చేస్తున్నట్టుగా ఇప్పుడు వినికిడి.
మరి ఆ అప్డేట్స్ ఏమిటో తెలియాల్సి ఉంది. ఇక ఈ భారీ సినిమాలో బాలీవుడ్ నటులు అజయ్ దేవగన్ మరియు అలియా భట్ తదితరులు నటించగా ఎం ఎం కీరవాణి సంగీతం అందించారు. అలాగే డీవీవీ దానయ్య భారీ బడ్జెట్ తో ఈ చిత్రాన్ని నిర్మాణం వహించారు. అలాగే ప్రపంచ వ్యాప్తంగా ఈ చిత్రం మార్చ్ 25న భారీ స్థాయిలో విడుదల చేస్తున్నారు.