Rashmika Mandanna : కన్నడ సినీ పరిశ్రమ నుంచి తెలుగులోకి అడుగు పెట్టి, తమిళ అవకాశాలు దక్కించుకుంటూ, బాలీవుడ్ వైపు కూడా వెళ్ళిన రష్మిక మండన్న అతి త్వరలో.. దేశవ్యాప్తంగా నెంబర్ వన్ హీరోయిన్ అవుతుందా.? ఇప్పటికిప్పుడు ఆ అంశంపై చర్చ జరడం ఒకింత తొందరపాటే అవుతుందేమో.! కానీ, తప్పదు.! రష్మిక మేనియా అలా వుంది మరి.!
బాలీవుడ్ హాట్ బ్యూటీస్ని కాదని.. రష్మిక మండన్న నేషనల్ క్రష్ ఎలా అయ్యింది.? అని ఆలోచిస్తే, రష్మిక నెంబర్ వన్ హీరోయిన్ అవడం పెద్ద కష్టమేమీ కాదని అనిపించడం ఎవరికైనా మామూలే. దటీజ్ రష్మిక. చాలా తక్కువ కాలంలోనే చాలా ఎత్తుకు ఎదిగేసింది.
తెలుగులో ‘పుష్ప ది రూల్’ చేస్తోంది. మరికొన్ని సినిమాలూ వున్నాయ్. తమిళంలో విజయ్ సరసన ఓ సినిమా చేస్తోంది. హిందీలో అయితే ఏకంగా మూడు సినిమాలు లైన్లో వున్నాయి. అన్నట్టు రౌడీ హీరో విజయ్ దేవరకొడ సరసన ఓ సినిమా చేస్తోంది రష్మిక. ఇది మళ్ళీ పాన్ ఇండియా సినిమా.. ‘పుష్ప ది రూల్’ లాగానే.!
సో, ఎలా చూసినా రష్మిక మండన్న జోరుకి స్పీడు బ్రేకర్లే కనిపించడంలేదు. అసలు ఇంతలా రష్మిక పేరు ప్రఖ్యాతులెలా సాధించింది.? అంటే, లక్కు ఫ్యాక్టర్తోపాటుగా, ఆమె కమిట్మెంట్ అలాగే డెడికేషన్ వల్లనే ఇదంతా సాధ్యమయ్యిందని చెప్పక తప్పదు.
తన సినిమాల్ని ప్రమోట్ చేసుకోవడమెలాగో రష్మికకి తెలుసు. అదే విధంగా ఇతర సినిమాల్నీ ప్రమోట్ చేయడం ద్వారా.. ఆయా సినిమాల్లో నటించే నటీనటుల అభిమానుల అభిమానాన్నీ చూరగొంటోంది రష్మిక. రష్మిక అంటే అందరికీ అందుకే అంత అభిమానం. ఔను, నడుస్తున్నది రష్మిక నామ సంవత్సరం.!