టాలీవుడ్ పవర్ స్టార్ పవన్ కళ్యాణ్ హీరోగా నటిస్తున్న లేటెస్ట్ సినిమాల్లో యంగ్ దర్శకుడు సాగర్ చంద్ర తెరకెక్కిస్తున్న మాస్ మసాలా చిత్రం “భీమ్లా నాయక్” ఒకటి. మళయాళ బ్లాక్ బస్టర్ అయ్యప్పనం కోషియం కి రీమేక్ గా త్రివిక్రమ్ సారథ్యంలో ఈ చిత్రం తెరకెక్కుతుంది. మరి ఇప్పుడు ఎట్టకేలకు చివరి దశ షూటింగ్ కి వచ్చేసిన ఈ చిత్రం నుంచి నిన్ననే చిత్ర బృందం సినిమాలో ఆయువు పట్టు లాంటి సాంగ్ ని రిలీజ్ చెయ్యడానికి ఈరోజు టైం ఫిక్స్ చేశారు.
కానీ నిన్న రాత్రే ఊహించని విధంగా ఈ కీలక అప్డేట్ ని వాయిదా వేస్తున్నట్టు కన్ఫర్మ్ చేశారు. అయితే దీనికి కారణం తెలుస్తుంది. నిన్ననే తెలుగు సాహిత్య రచయిత సిరివెన్నెల సీతారామ శాస్త్రి గారు కన్ను మూసారు. పైగా వారి కుటుంబానికి ఈ సినిమా నిర్మాతలకు ఎంతో సాన్నిహిత్యం ఉంది అందుకే ఈ సమయంలో ఇలాంటి అప్డేట్ లు విడుదల చెయ్యడం సరైన పని కాదని భావించి వాయిదా వేసారట. దీనితో ఈ నిర్ణయానికి పవన్ అభిమానులు కూడా అడ్డు చెప్పలేదు.