సినిమాల ద్వారా వచ్చే సంపాదన ఎంతున్నా, సెలబ్రిటీలు కొన్ని రకాల బ్రాండులను ప్రమోట్ చేస్తూ, ఆయా బ్రాండులకు సంబంధించిన ప్రకటనల్లో తళుక్కున మెరవడం సర్వ సాధారణమే. అయితే, ఈ మధ్య ఇలాంటి యాడ్ షూట్స్‌కి సంబంధించి సెలబ్రిటీలకు, నెటిజన్ల నుంచి అభ్యంతరాలు వ్యక్తవమవుతున్న సంగతి తెలిసిందే.
ఓ అండర్ వేర్ యాడ్ షూట్‌లో పాల్గొన్నందుకు నిన్న మొన్నటి వరకూ రష్మికా మండన్నాని నెటిజన్లు ఫుల్ల్‌గా ఓ రౌండు వేసుకున్న సంగతి తెలిసిందే. తాజాగా అంతటి కష్టమే హాట్ బ్యూటీ రెజీనా కసాండ్రా ఎదుర్కోవాల్సి వచ్చింది. ఓ ఆల్కహాల్ కంపెనీకి సంబంధించిన యాడ్ షూట్‌లో భాగంగా రెజీనా చేతిలో ఆల్కహాల్ గ్లాసుతో కనిపించిన ఫోటో ఒకటి నెట్టింట్లో పోస్ట్ చేసింది రెజీనా.
ఈ ఫోటో చూసి, నెటిజన్లు ఇష్టమొచ్చినట్లు నోరు పారేసుకుంటూ రెచ్చిపోతున్నారు. అంత క్రేజ్ ఉన్న రష్మికనే ఆడిపోసుకున్న నెటిజన్లు రెజీనాని ఒప్పుకుంటారా.? డబ్బు కోసం ఇంతలా దిగజారిపోతావా.? అంటూ రెజీనాపై కారాలూ మిరియాలూ నూరేస్తున్నారు. పాపం రెజీనా.. ఏం చేస్తుందో చూడాలి మరి.