తమిళ నటుడు సూర్య ‘సూరరై పొట్రు’ సినిమాతో మరోసారి హిట్ ట్రాక్ ఎక్కారు. భిన్నమైన కథలను ఎంచుకోవడంలో తన టేస్ట్ ఏంటో ప్రూవ్ చేసుకున్నారు. ఓటీటీ ద్వారా విడుదలై బ్లాక్ బస్టర్ అయిన ఈ చిత్రం ఆస్కార్ బరిలో కూడ నిలిచింది. మొదటి నుండి భిన్నమైన సినిమాలు చేస్తారనే పేరున్న సూర్యకు ఈ చిత్రం మరింత పేరును తెచ్చిపెట్టింది. ఆ ఉత్సాహంతోనే సూర్య ఇంకొక ప్రయోగానికి రెడీ అయ్యారట. ఈసారి ఆయన ఒక పిరియాడికల్ మూవీ చేయాలని డిసైడ్ అయ్యారట.
ఇప్పటివరకు సూర్య అనేక జానర్లలో సినిమాలు చేశారు కానీ పిరియాడికల్ సబ్జెక్ట్స్ టచ్ చేయలేదు. కానీ వసంతబాలన్ తీసుకొచ్చిన కథ నచ్చడంతో ఆ సినిమా చేయాలనే ఆలోచనలో పడ్డారట ఆయన. ఈ పిరియాడికల్ డ్రామా ఏదో సాదా సీదా కథలా ఉండదట. భారీ సెటప్లో ఉంటుందట. ఇప్పటివరకు రాని కథాంశం ఇందులో ఉంటుందట. అందుకే సూర్య అంతలా టెంప్ట్ అవుతున్నారట. ప్రజెంట్ ఆయన పాండిరాజ్ నిర్మాణంలో ఒక సినిమా చేస్తున్నారు. అది ముగిశాక వెట్రి మారన్ చిత్రం ఉంటుంది. ఆ తర్వాత దర్శకుడు హరితో ఒక ప్రాజెక్ట్ అనుకుంటున్నారు. ఇవన్నీ ముగిశాక వసంతబాలన్ సినిమా ఉండే అవకాశం ఉంది.