Bheemla Nayak : గాడ్ ఆఫ్ మాసెస్ పవన్ కళ్యాణ్ హీరోగా నిత్యా మీనన్ హీరోయిన్ గా అలాగే రానా దగ్గుబాటి మరియు ఐశ్వర్య మీనన్ లు మరో కీలక పాత్రల్లో నటిస్తున్న లేటెస్ట్ సినిమా “భీమ్లా నాయక్”. మాస్ ఆడియెన్స్ లో భారీ అంచనాలు నెలకొల్పుకున్న ఈ చిత్రాన్ని దర్శకుడు సాగర్ చంద్ర తెరకెక్కిస్తున్న సంగతి తెలిసిందే.
మరి పలు కారణాల చేత జనవరిలో సంక్రాంతి రేస్ నుంచి తప్పుకున్న ఈ చిత్రం నుంచి కొత్త సంవత్సరం కానుకగా బిగ్గెస్ట్ అప్డేట్ నే అందించారు. ఈ సినిమా నుంచి మాస్ మ్యూజిక్ లవర్స్ లో సూపర్ హిట్ అయ్యిన సాంగ్ లా లా భీమ్లా కి డీజే రీమిక్స్ వెర్షన్ రిలీజ్ చేస్తున్నట్టు నిన్న ప్రకటించగా ఇపుడు సంగీత దర్శకుడు థమన్ ఎస్ అదిరే అప్డేట్ ని అందించాడు.
ప్రస్తుతం ఈ సాంగ్ తాలూకా ప్రోగ్రామింగ్ లో బిజీగా ఉన్నామని అంతే కాకుండా అందరి లానే తాను కూడా ఆసక్తిగా ఎదురు చూస్తున్నానని తెలిపాడు. మరి ఈ సాంగ్ రేపు డిసెంబర్ 31న సాయంత్రం 7 గంటల 2 నిమిషాలకు రిలీజ్ చేయనుండగా అంతా ఈ సాంగ్ కోసం చాలా ఆసక్తిగా ఎదురు చూస్తున్నారు.