Shree vishnu: హీరో శ్రీ విష్ణు ఇటీవల ‘రాజ రాజా చోర’ చిత్రంతో హిట్ ని ఖాతాలో వేసుకున్న జోష్ లో లేట్ చెయ్యకుండా మరో రెండు చిత్రాలను రిలీజ్ కి సిద్ధం చేస్తున్నాడు. ఇప్పటికే ‘అర్జున ఫల్గుణ’ సినిమాను పూర్తి చేసిన ఈ హీరో తన తదుపరి చిత్రం ‘భళా తందనాన’ను కూడా కంప్లీట్ చేశాడు. ఇటీవల ఈ మూవీ నుండి విడుదలయిన ఫస్ట్ లుక్ ఆకట్టుకుంది. ఈ సినిమాకు నారా రోహిత్ మూవీ ‘బాణం’ ఫేమ్ చైతన్య దంతులూరి దర్శకత్వం వహించారు.
ఈ యువ హీరో ఇప్పటివరకు నటించిన పక్కింటబ్బాయి పాత్రలకు భిన్నంగా కెరీర్ లో చేయనటువంటి మాస్ పాత్రలో నటించినట్లు సమాచారం. ఈ సినిమాలో కేథరిన్‌ థ్రెసా హీరోయిన్ గా నటించింది. మెలోడీ బ్రహ్మ మణిశర్మ సంగీతాన్ని అందించటంతో సినిమాపై హైప్ నెలకొంది. మంచి అభిరుచిగల నిర్మాతగా పేరొందిన సాయి కొర్రపాటి సమర్పణలో వారాహి చలన చిత్రంపై రజనీ కొర్రపాటి ఈ మూవీని నిర్మించారు.
ఫుల్ యాక్షన్ సీక్వెన్స్ లతో మాస్ అభిమానులను శ్రీ విష్ణు ఎంటర్టైన్ చేస్తాడని నిర్మాతలు పేర్కొన్నారు. ఇక ఈ సినిమాను వచ్చే సమ్మర్ లో రిలీజ్ చేసేందుకు సన్నాహాలు జరుగుతున్నాయని టాక్. అయితే ‘అర్జున ఫల్గుణ’ మూవీని నూతన సంవత్సర కానుకగా డిసెంబర్ 31న థియేటర్లలో రిలీజ్ చేస్తున్నట్లు ఇప్పటికే మేకర్స్ ప్రకటించారు. హిట్స్ ప్లాప్స్ తో సంబంధం లేకుండా శ్రీ విష్ణు సంవత్సరానికి రెండు మూడు చిత్రాలలో నటిస్తూ అందర్నీ ఆశ్చర్యపరుస్తున్నాడు.