Chiranjeevi : తండ్రికి తగ్గ తనయుడు అనిపించుకోవడం అంత తేలికైన విషయమేమీ కాదు. అలాంటిది మెగా పవర్ స్టార్ రామ్ చరణ్ తొలి సినిమాతోనే అది ప్రూవ్ చేసుకున్నాడు. తొలి సినిమా ‘చిరుత’తో అక్కడక్కడా కాస్త తప్పొప్పులు వెతికిన సినీ మేధావులు, రెండో సినిమా ‘మగధీర’తో ఆ పనికి బ్రేకులు వేసుకున్నారు.
‘మగధీర’ సినిమాతో వంద కోట్ల క్లబ్లోకి చేరిపోయాడు రామ్ చరణ్. ఇక అక్కడి నుంచి వెనక్కి తిరిగి చూసుకోనేలేదు. అంచెలంచెలుగా తండ్రి వారసత్వాన్ని నిలబెడుతూ వచ్చాడు. మెగాస్టార్ చిరంజీవి లాంటి బ్యాక్ బోన్ వున్నప్పటికీ తనదైన గుర్తింపు తెచ్చుకున్నాడు హీరోగా రామ్ చరణ్.
కేవలం హీరోగా మాత్రమే కాదు, తండ్రి సినిమాని నిర్మించే స్థాయికి ఎదిగాడు నిర్మాతగా. మెగాస్టార్ సెకండ్ ఇన్నింగ్స్లో వచ్చిన ‘ఖైదీ నెంబర్ 150’ చిత్రం కోసం నిర్మాతగా మారి, అంతా తానే అయ్యి చూసుకున్నాడు. ఒక వైపు హీరోగా తన సినిమాలకు ఎలాంటి బ్రేకుల్లేకుండా, నిర్మాతగానూ తన బాధ్యత తాను గొప్పగా నిర్వహించాడు. అందుకే రామ్ చరణ్ ఈజ్ గ్రేట్ అనకుండా వుండలేకపోతున్నాం.
ఇక లేటెస్టుగా వచ్చిన ‘ఆర్ఆర్ఆర్’ సినిమా విషయంలోనూ చరణ్ టాప్ మార్కులేయించుకున్నాడు. హేమీ హేమీ మేధావుల నుంచి చరణ్ నటనకు ప్రశంసలు దక్కాయ్. ఇప్పుడు తండ్రి చిరంజీవితో ‘ఆచార్య’ సినిమాలో ఫుల్ లెంగ్త్ రోల్లో నటిస్తున్నాడు చరణ్. ఇన్ని గొప్ప క్వాలిటీస్ వున్న ఈ చిరు తనయుడు కెరీర్లో ఎన్నో మరెన్నో విజయాలను అందుకోవాలని ఆశిస్తూ, ఇలాంటి పుట్టినరోజులు ఇంకెన్నో జరుపుకోవాలని కోరుకుందాం. హ్యాపీ బర్త్డే టు యూ రామ్ చరణ్.