టాలీ వుడ్ ఇండస్ట్రీలో పవర్ స్టార్ పవన్ కళ్యాణ్ కు ఉన్న క్రేజ్ గురించి అందరికీ తెలిసిందే. ఈయన ఇండస్ట్రీ లోకి వచ్చి దాదాపు మూడు దశాబ్దాలు అవుతున్న ఇప్పటికీ ఏ మాత్రం క్రేజ్ తగ్గలేదు అని చెప్పాలి. పవన్ కళ్యాణ్ సినిమా అంటే మినిమం సినిమా కలెక్షన్లను వసూలు చేస్తుందన్న నమ్మకం.ఇక ఈయన సినిమా విడుదల కాబోతుంటే అభిమానులు చేసే హంగామా మామూలుగా ఉండదు. పవన్ కళ్యాణ్ సినిమా విడుదలైన భారీ ఓపెనింగ్స్ కైవసం చేసుకుంటుంది హిట్ ఫ్లాఫ్ లతో సంబంధంలేకుండా ఈయన సినిమా కలెక్షన్లు ఉంటాయి.
గత కొంతకాలంగా రాజకీయాలతో బిజీగా ఉన్న పవన్ కళ్యాణ్ ప్రస్తుతం వరుస సినిమా షూటింగులతో బిజీగా ఉన్నారు. ఈ క్రమంలోనే వకీల్ సాబ్, భీమ్లా నాయక్ వంటి సినిమాలతో మంచి హిట్ అందుకున్నారు. ఇకపోతే తాజాగా ఈయన తన మేనల్లుడు సాయి ధరమ్ తేజ్ తో కలిసి మరొక రీమేక్ చిత్రంలో నటిస్తారని వార్తలు పెద్ద ఎత్తున చక్కర్లు కొడుతున్నాయి. సముద్రఖని దర్శకత్వంలో ఒక తమిళ్ సినిమాలో నటించడానికి త్రివిక్రమ్ సలహా మేరకు పవన్ కళ్యాణ్ ఈ సినిమా చేయడానికి గ్రీన్ సిగ్నల్ ఇచ్చినట్టు తెలుస్తుంది.
ఇక ఈ సినిమాలో సాయి ధరమ్ తేజ్ కూడా ఉన్నారని తెలియడంతో సినిమాపై భారీ అంచనాలు ఉన్నాయి. ఇక ఈ సినిమా కోసం పవన్ కళ్యాణ్ కేవలం 30 రోజుల కాల్షీట్స్ మాత్రమే ఇచ్చారు. ఇలా 30 రోజుల కోసం పవన్ కళ్యాణ్ ఈ సినిమాకి భారీగా రెమ్యూనరేషన్ తీసుకుంటున్నారనే వార్తలు వినబడుతున్నాయి. ఈ సినిమా కోసం పవన్ కళ్యాణ్ ఏకంగా 60 కోట్ల రెమ్యూనరేషన్ డిమాండ్ చేశారట. ఈ ప్రకారం చూసుకుంటే పవన్ కళ్యాణ్ ఒక రోజుకు 2 కోట్ల రూపాయల రెమ్యూనరేషన్ తీసుకుంటున్నారు. ఏది ఏమైనా ఒక రోజుకు 2 కోట్ల రూపాయల పారితోషికం అంటే మామూలు విషయం కాదు దీన్ని బట్టి చూస్తుంటే పవన్ కళ్యాణ్ కు ఎలాంటి క్రేజ్ ఉందో తెలుస్తోంది.