Salman Khan: బాలీవుడ్ స్టార్ హీరో సల్మాన్ ఖాన్ గురించి ప్రత్యేకంగా పరిచయం అక్కర్లేదు. సల్మాన్ ఖాన్ ప్రస్తుతం వరుసగా సినిమాలలో నటిస్తూ దూసుకుపోతున్న విషయం తెలిసిందే. కాగా సల్మాన్ ఖాన్ ఇటీవ సికందర్ మూవీతో ప్రేక్షకులను పలకరించారు. ఈ మూవీలో రష్మిక మందన్న హీరోయిన్ గా నటించిన విషయం తెలిసిందే.అయితే భారీ అంచనాల నడుమ విడుదల అయిన ఈ మూవీ బాక్సాఫీస్ వద్ద పెద్దగా రాణించలేకపోయింది. ఇక సినిమాల సంగతి పక్కనపెడితే త్వరలోనే ప్రారంభం కానున్న బిగ్బాస్ సీజన్ కు హోస్ట్గా చేయబోతున్నారు సల్మాన్ ఖాన్.
అంతేకాకుండా ప్రస్తుతం గాల్వాన్ లోయలో 2020లో భారత్, చైనా సైనికుల మధ్య జరిగిన యుద్ధం, ఉద్రిక్త పరిస్థితుల నేపథ్యంతో వస్తోన్న బ్యాటిల్ ఆఫ్ గాల్వాన్ చిత్రంలో సల్మాన్ నటిస్తున్నారు. ఇందులో ఆర్మీ ఆఫీసర్ పాత్రలో కనిపించనున్నారు. ఇకపోతే ఖాన్కు ఇప్పటికే పలుసార్లు బెదిరింపులు వచ్చిన సంగతి తెలిసిందే. కృష్ణ జింకను వేటాడిన కేసు తర్వాత సల్మాన్ ను చంపేస్తామంటూ చాలాసార్లు బెదిరించారు. దీంతో ముంబయిలోని తన ఇంటివద్ద కట్టుదిట్టమైన భద్రతను ఏర్పాటు చేసుకున్నారు.
ఇందులో భాగంగానే తాను నివాసం ఉండే గెలాక్సీ అపార్ట్మెంట్ లోని బాల్కనీలో బుల్లెట్ ఫ్రూఫ్ గాజును ఏర్పాటు చేశారు. అక్కడి నుంచే ప్రతి ఏటా రంజాన్ సందర్భంగా అభిమానులకు విషెస్ చెబుతూ ఉంటారు. అయితే తాజాగా ఒక ఇంటర్వ్యూలో పాల్గొన్న ఆయన ఆ బుల్లెట్ ఫ్రూఫ్ గాజును ఏర్పాటు చేయడంపై స్పందించారు. అయితే ఇది తన వ్యక్తిగత రక్షణ కోసం కాదని నా అభిమానులు కొందరు బాల్కనీ పైకి ఎక్కకుండా వారిని తన ఇంట్లోకి రాకుండా నివారించేందుకేనని తెలిపారు. అయినప్పటికీ కొందరు ఫ్యాన్స్ బాల్కనీ పైకి ఎక్కి నిద్రిస్తున్నారని సల్మాన్ ఖాన్ వివరించారు.
Salman Khan: సల్మాన్ ఖాన్ ఇంట్లో బాల్కనీలో బుల్లెట్ ఫ్రూఫ్ కవచం.. కారణం అదే!
