RRR : ఇప్పుడు కానీ భారతదేశంలో కరోనా మూడో వేవ్ స్టార్ట్ అవ్వకుండా ఉంటే ఈపాటికే అనేక లెక్కలు ఇండియన్ బాక్సాఫీస్ దగ్గర తేలిపోయి ఉండేవి. పాన్ ఇండియా వీక్షకులు ఎంతో ఆసక్తిగా ఎదురు చూస్తున్న భారీ సినిమా ట్రిపుల్ ఆర్(RRR) తో ఇవన్నీ తీరి ఉండేవి కానీ తాను ఒకటి తలిస్తే దైవం ఒకటి తలచింది అన్నట్టు మరోసారి ఈ భారీ సినిమాకి బ్రేక్ తప్పలేదు.
ఇక ఇదిలా ఉండగా ఈ సినిమా వాయిదా తో అభిమానులు చాలా నిరాశగా ఉన్నారు కానీ ఆసక్తి మాత్రం ఎక్కడా తగ్గలేదు. లేటెస్ట్ గా బుక్ మై షో లో ఈ సినిమాపై 7 లక్షల మంది ఆసక్తి చూపిస్తున్నట్టు రికార్డు ఫిగర్ టచ్ చెయ్యగా ఇంకా ఇండియా మొత్తంలో ఈ సినిమా నెంబర్ 1 ప్లేస్ లో ట్రెండ్ అవుతుంది. మరి దీనిపైనే సోషల్ మీడియాలో ఈ సినిమా యూనిట్ స్పందించారు.
మేము ఏ టైం లో వచ్చినా ఎప్పుడు వచ్చినా సరే అదే నెంబర్ 1 ప్లేస్ లో ఉంటామని, ప్రస్తుతం పరిస్థితులు ఇలా ఉన్నాయని కిందకి తలొగ్గే ప్రసక్తి లేదు కరెక్ట్ సమయం దొరికినప్పుడు సినిమాని రిలీజ్ చేసి తీరుతాం అని చాలా గట్టి కాన్ఫిడెన్స్ తో తెలిపారు. దీనితో ఏ పోస్ట్ అభిమానుల్లో సరికొత్త ఉత్సాహాన్ని ఇవ్వడమే కాకుండా ఓ రేంజ్ లో వైరల్ అవుతుంది.