రీసెంట్ ఇండియాస్ బిగ్గెస్ట్ బ్లాక్ బస్టర్ హిట్ సినిమా ట్రిపుల్ ఆర్(RRR) కోసం అందరికీ తెలిసిందే. దర్శకుడు ఎస్ ఎస్ రాజమౌళి మెగాపవర్ స్టార్ రామ్ చరణ్ యంగ్ టైగర్ ఎన్టీఆర్ లతో తీసిన ఈ సినిమా 1100 కోట్లకి పైగా వసూళ్లను అందుకొని భారీ రికార్డులు నెలకొల్పింది. మరి బాక్సాఫీస్ దగ్గర మైండ్ బ్లాకింగ్ రన్ ని చూపించిన ఈ సినిమా ఓటిటి దిగ్గజ సంస్థ నెట్ ఫ్లిక్స్ లో హిందీ భాషలో స్ట్రీమింగ్ వచ్చింది.
అయితే హిందిలో అయితే దుమ్ము లేపినట్టుగా ఇప్పుడు తెలుస్తుంది. గత మే 23 నుంచి 29 మధ్యలో ఏకంగా ఈ సినిమా అనేక దేశాల్లో టాప్ ప్లేస్ లో నిలిచి 18,360,000 గంటల స్ట్రీమింగ్ తో నాన్ ఇంగ్లీష్ సినిమాగా భారీ రికార్డు నెలకొల్పి నెట్ ఫ్లిక్స్ లో నెంబర్ 1 సినిమాగా నిలిచింది.
దీనితో ఈ ప్రౌడ్ మూమెంట్ ని మేకర్స్ ఇప్పుడు అనౌన్స్ చెయ్యగా మరోసారి ఇండియన్ సినిమా దగ్గర ఈ సినిమా పేరు భారీ లెవెల్లో మారు మోగుతుంది. ఇంకా ఈ సినిమాలో బాలీవుడ్ నటి అలియా భట్ రామ్ చరణ్ సరసన హీరోయిన్ గా నటించగా ఒలీవియా మోరిస్ ఎన్టీఆర్ సరసన నటించింది. అలాగే ఎంతోమంది కీలక నటులు ఈ సినిమాలో మరిన్ని ఇంట్రెస్టింగ్ పాత్రల్లో నటించగా ఎం ఎం కీరవాణి సంగీతం అందించారు.