RRR First Day Collection : ప్రస్తుతం ఇండియన్ సినిమా నుంచి సెన్సేషనల్ హిట్ అయినటువంటి బిగ్గెస్ట్ బ్లాక్ బస్టర్ ట్రిపుల్ ఆర్(RRR). ఇండియాస్ టాప్ దర్శకుడు రాజమౌళి తెరకెక్కించిన ఈ భారీ ఆక్షన్ డ్రామాలో మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ నటించగా ఒలీవియా మోరిస్ మరియు ఆలియా భట్ లు హీరోయిన్స్ గా నటించారు.
మరి ఈ భారీ సినిమా అనుకున్న స్థాయికి మించి విజయాన్ని అందుకొని రికార్డులు సెట్ చేస్తూ భారీ వసూళ్లకు తలుపులు తెరిచింది. అయితే ఫస్ట్ డే మాత్రం ఎంత వసూళ్లు వచ్చాయి? బాహుబలి 2 బద్దలయ్యిందా లేదా అనే మాట అలా వస్తూనే ఉండగా అనేక ఊహాగానాలు ఈ వసూళ్లు చుట్టూ తిరిగాయి.
అయితే ఈ భారీ సినిమా వసూళ్లకు సంబంధించి ట్రేడ్ వర్గాల్లో ఒక లెక్కలు రాగా చిత్ర యూనిట్ మాత్రం కాస్త డిఫరెన్స్ తో అధికారిక క్లారిటీ ఇస్తూ ఆ భారీ వసూళ్ల నెంబర్ ని రివీల్ చేశారు. అయితే దీని ప్రకారం ఈ చిత్రం మొదటి రోజు ప్రపంచ వ్యాప్తంగా 223 కోట్లు ఈ చిత్రం వసూలు చేసినట్టు వెల్లడి చేయగా ఎక్కడెక్కడ ఎంత అందుకుందో తెలుస్తుంది.
దీని ప్రకారం ఏపీ, తెలంగాణాలో 75, 27.5 కోట్లు గ్రాస్, కర్ణాటకలో 14.5 కోట్లు, తమిళ నాడులో 10 కోట్లు, హిందీలో 25 కోట్లు నెట్, కేరళ లో 4 కోట్లు, అలాగే ఓవర్సీస్ లో టోటల్ గా 67 కోట్లు ఈ చిత్రం అందుకుంది. దీనితో టోటల్ గా భారీ స్థాయిలో 223 కోట్లు వసూలు చేసి ఆల్ టైం ఇండియా రికార్డు సెట్ చేసి దుమ్ము లేపింది. ఇక ఈ వారాంతంలో ఎలా ఉంటాయో చూడాలి.
