RRR : ప్రస్తుతం ప్రపంచ వ్యాప్తంగా తెలుగు వాడే కాదు భారతీయుడు ఎక్కడ ఉన్నా వారు ఎంతో ఆసక్తిగా ఎదురుచూస్తున్న ఏకైక భారీ సినిమా ట్రిపుల్ ఆర్(RRR) ఎనలేని స్థాయి అంచనాలు నెలకొల్పుకొని ఉన్న ఈ చిత్రాన్ని చిత్ర బృందం జస్ట్ మరికొన్ని రోజుల్లో విడుదల కి సిద్ధం చేస్తున్నారు. మరి ఈ సినిమా కోసం అన్ని ప్రాంతాల్లో కూడా భారీ స్థాయిలో ఎదురు చూస్తుండగా ఓవర్సీస్ మార్కెట్ లో మాత్రం వండర్స్ ని నమోదు చేస్తున్నట్టుగా ట్రేడ్ వర్గాల వారు చెబుతున్నారు.
కీలకంగా యూఎస్ బాక్సాఫీస్ దగ్గర ఈ చిత్రం రికార్డులు తిరగ రాస్తుందని చెబుతున్నారు. ఈ సినిమా బుకింగ్స్ ఇప్పుడు 2.2 మిలియన్ డాలర్లు దగ్గర ఉండగా దీనికి ముందు ఇండియాస్ బిగ్గెస్ట్ రికార్డ్ గా ఉన్నటువంటి బాహుబలి 2 కి ఉన్న 2.4 మిలియన్ డాలర్లు ని బ్రేక్ చెయ్యడానికి సిద్ధంగా అది ఈ రోజుకి క్రాస్ అయ్యిపోవచ్చని కూడా అంటున్నారు.
ఇక ఇది ప్రీమియర్స్ బుకింగ్స్ కి సంబంధించిన సమాచారం కాగా ప్రీ సేల్స్ అంటే ప్రీమియర్స్ రోజు మరియు సినిమా రిలీజ్ రోజు నుంచి బుకింగ్స్ అయితే ఏకంగా3 మిలియన్ డాలర్లు దాటేసింది అని తెలుస్తోంది. దీనితో ఇది కూడా మరో భారీ రికార్డు అని అంటున్నారు. అలాగే ఇంకో ముఖ్య విషయం ఏమిటంటే టికెట్ ధర హైయెస్ట్ గా ఎన్ని డాలర్లు పెట్టినా అమ్ముడు పోతున్నాయట.
దీని బట్టి యూఎస్ మార్కెట్ లో ఈ భారీ సినిమా సెన్సేషన్ ఎలా ఉందో అంతా అర్ధం చేసుకోవచ్చు. ఇక ఈ భారీ సినిమాలో మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లు హీరోలుగా నటించగా ఆలియా భట్ మరియు ఒలివియా మోరిస్ లు హీరోయిన్స్ గా నటించారు. అలాగే దర్శకుడు రాజమౌళి తెరకెక్కించిన సంగతి అందరికీ తెలిసిందే.