RRR For OTT : భారతీయ సినీ పరిశ్రమలోనే అత్యంత భారీ బడ్జెట్ చిత్రాల్లో ‘ఆర్ఆర్ఆర్’ ఒకటిగా నిలిచిపోతుంది. దేశమంతా ఈ సినిమా విడుదల కోసం ఎదురుచూస్తోంది. రాజమౌళి దర్శకత్వంలో రామ్ చరణ్, ఎన్టీయార్ కలిసి నటించిన ‘ఆర్ఆర్ఆర్’ సినిమా జనవరి 7న విడుదల కావాల్సి వున్నా, ఒమిక్రాన్ టెన్షన్స్ నేపథ్యంలో వాయిదా పడింది.
నిజానికి, కరోనా మొదటి వేవ్.. రెండో వేవ్.. ‘ఆర్ఆర్ఆర్’ సినిమాని దారుణంగా దెబ్బకొట్టాయి. ఇప్పుడు మూడో వేవ్ కూడా ‘ఆర్ఆర్ఆర్’నే టార్గెట్ చేసింది. మరి, ‘ఆర్ఆర్ఆర్’ ఎప్పుడు ప్రేక్షకుల ముందుకు వస్తుంది.? అంటే, సమాధానం చెప్పడం చాలా చాలా కష్టమన్న చర్చ సినీ వర్గాల్లో జరుగుతోంది.
‘ఆర్ఆర్ఆర్’ కోసమే ‘భీమ్లానాయక్’, ‘సర్కారు వారి పాట’ తదితర సినిమాలు వెనక్కి వెళ్ళాయి. మళ్ళీ ఇంకోసారి, ‘ఆర్ఆర్ఆర్’ వేరే సినిమాల విడుదలకు షాక్ ఇచ్చే పరిస్థిత వస్తే, అంతకన్నా దారుణమైన విషయం ఇంకోటుండదు. మరెలా.? తెలుగు రాష్ట్రాల్లో, దేశవ్యాప్తంగా పరిస్థితులు కలిసొచ్చేదెప్పుడు.? ఈ ప్రశ్నకు సమాధానం దొరకడంలేదు.
ఇంతలోనే, ‘ఆర్ఆర్ఆర్’ ఓటీటీ పుకార్లు షికార్లు చేస్తున్నాయి. ఉచితంగా కాకుండా టిక్కెట్ పెట్టి, ‘ఆర్ఆర్ఆర్’ సినిమాని ఓటీటీలో ప్రదర్శిస్తే ఎలా వుంటుందన్న చర్చ జరుగుతోందట తెరవెనుకాల. గతంలో సెటైరికల్గానే అయినా, రామ్ గోపాల్ వర్మ ‘విలువైన’ సలహానే రాజమౌళికి ఇచ్చాడు ‘ఆర్ఆర్ఆర్’ విషయంలో.
వర్మ కూడా తాను తెరకెక్కించిన సినిమాల్ని కొన్నిటిని ఇలాగే ఓటీటీలో టిక్కెట్టు పెట్టి విడుదల చేసేశాడు. కానీ, ఆ ఫార్ములా ‘ఆర్ఆర్ఆర్’కి వర్కవుట్ అవుతుదా.? పెద్ద తెరమీ, అత్యద్భుతమైన సౌండ్ సిస్టమ్ నడుమ చూడాల్సిన ‘ఆర్ఆర్ఆర్’, ఇంట్లో చూడాల్సి వస్తే కిక్కుంటుందా.?