దర్శకుడు రామ్ గోపాల్ వర్మ ఎప్పుడూ ఎదోకరకంగా వార్తల్లో నిలవాలని చూస్తుంటాడు. తన సినిమాలు ఆడకపోయినా…వేరే సినిమాల్ని పొగుడుతూనో….విమర్శహిస్తూనో ఉంటాడు. కొన్నాళ్ల క్రితం ‘కాశ్మీర్ ఫైల్స్’ సినిమాను తెగ పొగిడిన వర్మ ఇప్పుడు ‘కార్తికేయ 2 ‘ సినిమాను మెచ్చుకున్నాడు. ఏ మాత్రం అంచనాలు లేకుండా రిలీజ్ అయిన ఈ సినిమా తెలుగు తో బాటు హిందిలో కూడా బారి కలెక్షన్స్ రాబట్టుతుంది.
నిఖిల్ కి తెలుగు లో కూడా ఏ మాత్రం పెద్ద మార్కెట్ లేదు. అలాంటిది ఈ సినిమా తెలుగు మార్కెట్ ని మించి హిందీ మార్కెట్ ని పరుగులు పెట్టిస్తుంది. బాలీవుడ్ చిత్రాలు `లాల్ సింగ్ చడ్డా`..`రక్షాబంధన్` లాంటి సినిమాల్ని సైతం వెనక్కి నేటి బాక్సాఫీస్ రేసులో దూసుకుపోతుంది. తాజాగా ఈ సినిమా సక్సెస్ ని ఉదహరించి రాంగోపాల్ వర్మ `కార్తికేయ-2` పై ఇంట్రెస్టింగ్ ట్వీట్ చేసారు. “నిఖిల్ సిద్ధార్థ్ హీరోగా నటించగా అభిషేక్ నిర్మించిన చిత్రం కార్తికేయ 2. ఈ మూవీ సినిమా విడుదలై రెండో వారంలో కూడా మంచి కలెక్షన్లని సాధిస్తోంది. ముఖ్యంగా హిందీ బెల్ట్లో ఆమీర్ ఖాన్ నటించిన `లాల్ సింగ్ చడ్డా`..` అక్షయ్ కుమార్` నటించిన రక్షాబంధన్ సినిమాలకంటే రెండు రెట్లు ఎక్కువగా వసూళ్లు సాధిస్తోంది. పెట్టుబడి మీద వచ్చిన ఆదాయ పరంగా పోల్చితే ఎస్ఎస్ రాజమౌళి సినిమా `ఆర్ఆర్ఆర్`.. ప్రశాంత్ నీల్ సినిమా `కేజీయఫ్ 2` కంటే `కార్తీకేయ 2`నే గొప్ప చిత్రం. చందు మొండేటికి కంగ్రాట్స్’ అని రాసుకొచ్చారు.
ప్రస్తుతం రామ్ గోపాల్ వర్మ ట్వీట్ వైరల్ గా మారింది. 15 కోట్ల బడ్జెట్ తో నిర్మించిన ఈ సినిమా ఇప్పటికే వరల్డ్ వైడ్ 60 కోట్లకు పైగా వసూళ్లని సాధించింది. మరో 40 కోట్లు సాధించి 100 కోట్ల క్లబ్ లో చేరినా ఆశ్చర్య పోనవసరం లేదు. ఒక వేళా అదే జరిగితే టాలీవుడ్ చరిత్రలో `కార్తికేయ-2`ని ఓ సంచలనంగా చెప్పొచ్చు.