Game Changer: టాలీవుడ్ హీరో గ్లోబల్ స్టార్ రామ్ చరణ్ శంకర్ కాంబినేషన్ లో రూపొందుతున్న సినిమా గేమ్ చేంజర్. ఈ సినిమా ఎప్పుడో విడుదల కావాల్సి ఉండగా అనేక కారణాల వల్ల వాయిదా పడుతూ వస్తున్న విషయం తెలిసిందే. ఎట్టకేలకు ఈ సినిమాను సంక్రాంతికి విడుదల చేయబోతున్నారు మూవీ మేకర్స్. ఇక ఈ మధ్యకాలంలో ఈ సినిమా నుంచి ఒక్కొక్క అప్డేట్ ని విడుదల చేస్తూ అభిమానులకు భారీగా సర్ప్రైస్ ఇస్తున్నారు. అంతేకాకుండా బ్యాక్ టు బ్యాక్ అప్డేట్ లతో ఈ సినిమాపై అంచనాలను పెంచుతున్నారు.
కాగా గేమ్ ఛేంజర్ మూవీ నుంచి ఇప్పటికే రెండు మాస్ సాంగ్స్ టీజర్ రిలీజ్ చేసి అంచనాలు పెంచేసారు. అయితే ఇప్పుడు ఆ అంచనాలను మరింత పెంచుతూ తాజాగా మూడవ పాటను రిలీజ్ చేయబోతున్నారు మూవీ మేకర్స్. ఇప్పటికే ఆ పాటకు సంబంధించి చిన్న ప్రోమోని విడుదల చేయగా అది వైరల్ అవుతోంది. అయితే గేమ్ ఛేంజర్ సినిమాలో నానా హైరానా.. అనే మెలోడీ సాంగ్ ను తాజాగా సాయంత్రం 6 గంటల మూడు నిమిషాలకు రిలీజ్ చేసారు. కార్తీక్, శ్రేయా ఘోషల్‌ ఆలపించిన ఈ పాటను రామజోగయ్య శాస్త్రి రచించగా మ్యూజిక్ డైరెక్టర్ తమన్‌ అదిరిపోయే ట్యూన్స్‌ ని అందించారు.
ఇందుకు సంబంధించిన సాంగ్ సోషల్ మీడియాలో వైరల్ అవ్వడంతో ప్రేక్షకుల నుంచి భారీగా రెస్పాన్స్ వస్తోంది. ఇకపోతే ఈ సినిమా సంక్రాంతి కానుకగా జనవరి 10న విడుదల కానున్న గేమ్ ఛేంజర్ చిత్రంలో రామ్ చరణ్ ఎన్నిక‌ల‌ను స‌జావుగా నిర్వ‌హించే ఐఏఎస్ ఆఫీస‌ర్ పాత్ర‌లో క‌నిపించ‌నున్నారు. పొలిటికల్‌, యాక్షన్‌ నేపథ్యంలో సాగే పవర్‌ ఫుల్‌ కథాంశంతో ఈ సినిమా రానుంది. ఇందులో కియారా అద్వానీ, అంజలి, శ్రీకాంత్‌, సునీల్‌, ఎస్‌.జె.సూర్య, సముద్రఖని, నవీన్‌చంద్ర తదితరులు కీలకపాత్రలు పోషిస్తున్న విషయం తెలిసిందే.