‎Rajinikanth: ఇది కదా అసలైన అభిమానం అంటే.. రజనీకాంత్ ఫొటోలతో బొమ్మల కొలువు!

By VL on

‎Rajinikanth: హీరో సూపర్ స్టార్ రజినీకాంత్ గురించి మనందరికి తెలిసిందే. రజినీకాంత్ ప్రస్తుతం వరుస సినిమాలలో నటిస్తూ దూసుకుపోతున్నారు. ఇకపోతే సూపర్ స్టార్ కి ఉన్న ఫ్యాన్స్ ఫాలోయింగ్ ప్రత్యేకంగా చెప్పనక్కర్లేదు. ముఖ్యంగా తమిళనాడులో చాలా మంది రజనీ కాంత్ ని దేవుడిలా ఆరాధిస్తారు. గుడులు, విగ్రహాలు ఏర్పాటు చేసి పూజలు కూడా నిర్వహిస్తూ ఉంటారు. మధురైకి చెందిన కార్తీక్ అనే యువకుడు సూపర్ స్టార్ రజనీకాంత్ పేరు మీద గుడి కట్టాడు. అక్కడ 250 కేజీల రజనీకాంత్ విగ్రహాన్ని ఏర్పాటు చేశాడు.
‎
‎ దానితో పాటు అతని తల్లిదండ్రుల ఫోటో, వినాయకుడి ఫోటో ఏర్పాటు చేసి ప్రతిరోజూ దీపం వెలిగించి, రజనీ విగ్రహానికి పూజలు కూడా చేస్తున్నాడు. ఇక ఇప్పుడు నవరాత్రి ఉత్సవాలను పురస్కరించుకుని రజనీకాంత్ ఫొటోలు, పోస్టర్లతో ఏకంగా బొమ్మల కొలువు ఏర్పాటు చేశాడు. రజనీ నటించిన వివిధ సినిమాల్లోని స్టిల్స్ తో పాటు శివుడు, కృష్ణుడు మొదలైన దేవుళ్ల రూపంలోనూ రజనీ ఫొటోలు, పోస్టర్లను ఈ బొమ్మల కొలువులో ఏర్పాటు చేయడం విశేషం. రజనీకాంత్ విగ్రహంతో పాటు ఫోటోలు, పోస్టర్లకు అభిమాని పూజలు చేస్తోన్న ఫోటోస్, వీడియోస్ ప్రస్తుతం నెట్టింట వైరల్ గా మారాయి.


‎కార్తీక్ భక్తిని చూసి అందరూ కూడా ఆశ్చర్యూపోతున్నారు. ఈ ఏడాది నవరాత్రి ఉత్సవాల కోసం రజనీకాంత్ ఆలయంలో ప్రత్యేక ఏర్పాట్లు చేస్తున్నాము. మొత్తం 15 దశల్లో ఈ ఉత్సవాలను నిర్వహించనున్నాము. మొదటి 10 దశల్లో రజనీకాంత్ ఉత్తమ ఫోటోలను ఉంచి పూజలు చేస్తాం. మేము రజనీ సార్ ను దేవుడిగా చూస్తాము. అందుకే శివుడు, కృష్ణుడి వేషంలో ఆయన బొమ్మలను ఉంచాం అని సదరు అభిమాని చెప్పుకొచ్చాడు. అయితే ఈ ఫోటోస్ వీడియోస్ చూసిన అభిమానులు ఇలాంటి గొప్ప అభిమానం ఒక్క రజినీకాంత్ కి మాత్రమే సొంతం అంటూ కామెంట్స్ చేస్తున్నారు.