డాషింగ్ డైరెక్టర్ పూరి జగన్నాథ్ డ్రీమ్ ప్రాజెక్ట్ ‘జనగణమణ’. దీన్ని సూపర్ స్టార్ మహేష్ బాబుతో చేయాలనేది పూరి కోరిక. మహేష్ డేట్స్ కోసం ఆయన చాన్నాళ్లుగా ఎదురుచూస్తున్నారు. కానీ బిజీ షెడ్యూల్స్ మూలంగా మహేష్ బాబు పూరితో సినిమా చేయలేకపోతున్నారు. దీంతో పూరి ఇప్పటికే చాలా ఆలస్యమైందని భావించి ఆ కథను వేరొకరితో చేయాలని డిసైడ్ అయ్యారట. ఇదివరకు ఈ కథలో సోనూ సూద్ ను తీసుకోవాలని పూరి జగన్నాథ్ అనుకుంటున్నట్టు వార్తలు వచ్చాయి. కానీ ఇప్పుడు పవన కళ్యాణ్ పేరు తెర మీదకు వచ్చింది.
ఈ కథను పూరి పవన్ వద్దకు తీసుకెళ్లాలని అనుకుంటున్నట్టు ఫిల్మ్ నగర్ టాక్. టాలీవుడ్లో సోషల్ సబ్జెక్ట్స్ చేయడానికి పవన్ చాలా మంచి ఆప్షన్. పైగా పూరి, పవన్ రాపో చాలా బాగుంటుంది. గతంలో కూడ ఇద్దరూ రెండు సినిమాలు చేశారు. అందుకే మహేష్ నెగ్లెట్ చేస్తున్న కథను పవన్ తో చేయించి తన కోరిక నెరవేర్చుకోవాలని పూరి భావిస్తున్నారట. పవన్ అసలే సినిమాల మీద సినిమాలు ఒప్పుకుంటున్నారు. ఈ ఊపులో పూరి గనుక అప్రోచ్ అయితే గ్రీన్ సిగ్నల్ ఇచ్చినా ఇచ్చేస్తాడు. అభిమానులైతే వీరి కాంబినేషనే సెట్టవ్వాలని గట్టిగా కోరుకుంటున్నారు.