మెగాస్టార్ చిరంజీవి హీరోగా ప్రస్తుతం రెండు సినిమాలు చేస్తున్న సంగతి తెలిసిందే. వాటిలో ఆల్రెడీ “గాడ్ ఫాథర్” షూట్ లో ఉండగా “భోళా శంకర్” వచ్చే నెలలో స్టార్ట్ కానుంది. అయితే ఇదిలా ఉండగా ఈ చిత్రాలకంటే ఇంకో సినిమాపై మాత్రం అంచనాలు ఇంకో స్థాయిలో ఉన్నాయి.
అదే “వాల్తేర్ వీరయ్య”(వర్కింగ్ టైటిల్). దర్శకుడు బాబీ తెరకెక్కించనున్న ఈ సినిమాని మళ్ళీ మెగాస్టార్ పాత రోజులు గుర్తు చేసేలా ఉంటుందని ఇండస్ట్రీలో టాక్ ఉంది. అయితే ఈ సినిమాకి హీరోయిన్ గా ఎవరు ఫిక్స్ అయ్యారు అన్నది తెలుస్తుంది.
ఈ సినిమాకి గాను పవర్ స్టార్ పవన్ కళ్యాణ్ సరసన మూడు సార్లు నటించిన హాట్ హీరోయిన్ శృతి హాసన్ ని ఎంపిక చేసినట్టుగా రూమర్స్ వినిపిస్తున్నాయి. దీనిపై అధికారిక క్లారిటీ ఇంకా రావాల్సి ఉంది. అలాగే ఈ భారీ మాస్ ప్రాజెక్ట్ కి మైత్రి మూవీ మేకర్స్ నిర్మాణం వహిస్తున్న సంగతి తెలిసిందే.