Pawan Kalyan: టాలీవుడ్ పవర్ స్టార్ పవన్ కళ్యాణ్ రీ ఎంట్రీ తర్వాత వరుస ప్రాజెక్టులతో బిజీగా మారాడు. ఓవైపు రాజకీయాలు, మరోవైపు సినిమాలతో సమాన బాధ్యతలు చేపడుతున్నాడు. ఇక ఈయన ప్రస్తుతం క్రిష్ జాగర్లమూడి దర్శకత్వంలో హరిహర వీరమల్లు సినిమాలో నటిస్తున్నాడు. ఈ సినిమా 17వ శతాబ్దం నేపథ్యంలో పీరియాడికల్ డ్రామాగా తెరకెక్కనుంది.
మొగల్ చక్రవర్తుల కాలం నాటి కథను రూపొందించడంతో పవన్ అభిమానులు ఈ సినిమా కోసం ఎదురుచూస్తున్నారు. ఇక భారీ బడ్జెట్ తో ఈ సినిమా రూపొందుతుంది. పాన్ ఇండియా స్థాయిలో ఈ సినిమాను నిర్మాత ఏ.ఎం రత్నం నిర్మిస్తున్నాడు. ఇందులో పవన్ కళ్యాణ్ సరసన నిధి అగర్వాల్, జాక్వెలిన్ ఫెర్నాండేజ్ హీరోయిన్లుగా నటిస్తున్నారు. ఇక ఇప్పటికే ఈ సినిమా షూటింగ్ ఆలస్యం కావడంతో మిగతా షూటింగ్ పూర్తి చేయాలని పవన్ కళ్యాణ్ కంకణం కట్టుకున్నాడు. మొత్తానికి ఈ సినిమాకు మరో ఐదు నెలల సమయాన్ని కేటాయించనున్నాడు పవన్.