టాలీవుడ్లో వినిపిస్తున్న క్రేజీ ప్రాజెక్టుల్లో పవన్ కళ్యాణ్, పూరి జగన్నాథ్ ప్రాజెక్ట్ కూడ ఒకటి. పూరి తాను మహేష్ బాబు కోసం రాసుకున్న ‘జనగణమన’ కథను పవన్ కళ్యాణ్ తో చేయాలని భావిస్తున్నట్టు వార్తలొచ్చాయి. దీంతో అభిమానుల్లో, ప్రేక్షకుల్లో ఆసక్తి మొదలైంది. అయితే చాలా రూమర్ల తరహాలోనే ఇది కూడ రూమర్ అవుతుందేమోననే అనుమానం కూడ మొదలైంది. అయితే ఆ అనుమానం నిజం కాదని, పవన్-పూరి కలిసి సినిమా చేస్తారని విశ్వసనీయ వర్గాల సమాచారం. వీరి ఓరాజేకేట్ విషయం ఇప్పుడు బయటికి వచ్చింది కానీ మూడు నెలల నుండి ఇద్దరి మధ్యన చర్చలు నడుస్తున్నాయట.
కొన్ని నెలల క్రితం లాక్ డౌన్ మూలంగా ‘లైగర్’కి బ్రేక్ పడటంతో ముంబై నుండి హైదరాబాద్ వచ్చిన పూరి ,పవన్ ను అప్రోచ్ అవ్వడం, స్టోరీ లైన్ చెప్పడం జరిగిందట. ఆ టైంలో చూచాయిగా సుముఖత తెలిపిన పవన్ ఇటీవలే పూరి జగన్నాథ్ కు ఫోన్ చేసి సినిమా చేద్దాం, ఫుల్ స్క్రిప్ట్ రెడీ చేసుకోమని చెప్పారట. సో.. వీరి కాంబినేషన్లో సినిమా మాత్రం ఖాయం. అయితే ప్రస్తుతం పవన్ మూడు సినిమాలకు గ్రీన్ సిగ్నల్ ఇచ్చి ఉన్నారు. అవన్నీ పొర్తయ్యేనాటికి వచ్చే ఏడాది జూన్ లేదా జూలై అవుతుంది. అంటే.. 2022 ద్వితీయార్థంలో వీరి సినిమా పట్టాలెక్కే అవకాశం ఉంది.