మనలో చాలామంది స్టార్ హీరోలు సులువుగా డబ్బులు సంపాదిస్తున్నారనే భావనను కలిగి ఉంటారు. అయితే ఒక సినిమా షూటింగ్ ను పూర్తి చేయాలంటే ఆ హీరోలు పడే కష్టం అంతాఇంతా కాదు. ప్రతి సినిమాకు హీరోలు అనుభవించే కష్టం దాదాపుగా ఒకే విధంగా ఉంటుంది. సినిమాలు ఏదైనా కారణం చేత ఫ్లాప్ అయితే హీరోలు, దర్శకులపైనే నెటిజన్ల నుంచి విమర్శలు వ్యక్తమవుతాయనే సంగతి తెలిసిందే.
సినిమా ఏదైనా కారణం వల్ల డిజాస్టర్ అయితే పలు సందర్భాల్లో నిర్మాతలతో పాటు హీరోలు సైతం కొంత మొత్తం డబ్బును వెనక్కిక్ఛిన సందర్భాలు ఉన్నాయి. అక్కడి అమ్మాయి ఇక్కడి అబ్బాయి సినిమా నుంచి ఖుషి సినిమా వరకు పవన్ కళ్యాణ్ నటించిన ఒక్క సినిమా కూడా ఫ్లాప్ కాలేదు. అయితే జానీ సినిమాతో పవన్ కళ్యాణ్ ఖాతాలో తొలి ఫ్లాప్ చేరింది. ఈ సినిమా పవన్ అభిమానులలో చాలామందికి నచ్చలేదు.
భారీ అంచనాలతో విడుదలైన ఈ సినిమా ప్రేక్షకుల అంచనాలను అందుకోలేక బాక్సాఫీస్ వద్ద ఫ్లాప్ గా నిలిచింది. ఖుషి ఇండస్ట్రీ హిట్ తర్వాత పవన్ హీరోగా, డైరెక్టర్ గా నటించిన సినిమా కావడంతో ఈ సినిమాపై అంచనాలు మరింత పెరిగాయి. ఈ సినిమా కోసం పవన్ తన లుక్ ను మార్చుకున్నారు. జానీ సక్సెస్ సాధించకపోవడంతో పవన్ ఈ సినిమాను కొనుగోలు చేసిన బయ్యర్లకు డబ్బును వెనక్కిచ్చారు.
బాబా సినిమా విషయంలో రజనీకాంత్ కూడా ఇదే విధంగా వ్యవహరించారు. ఈ సినిమాకు రజనీకాంత్ తను తీసుకున్న మొత్తం రెమ్యునరేషన్ ను తిరిగిచ్చేశారు. హీరోలు బయ్యర్లకు డబ్బులను తిరిగివ్వాల్సిన అవసరం లేకపోయినా తమ సినిమాల వల్ల బయ్యర్లు నష్టపోకూడదని భావించి హీరోలు డబ్బులను వెనక్కిచ్చారు. ఈ విధంగా పవన్, రజనీకాంత్ తమ మంచి మనస్సును చాటుకున్నారు.