Pavan Kalyan: ప్రస్తుతం హరీష్ శంకర్ పవన్ కళ్యాణ్ తో భవదీయుడు భగత్ సింగ్ అనే సినిమా కమిట్ అయిన సంగతి తెలిసిందే. కానీ ఈ సినిమా ఇంకా పట్టాలెక్కలేదు. ప్రస్తుతం పవన్ కళ్యాణ్ “వకీల్ సాబ్”, “భీమ్లా నాయక్” వంటి హిట్ల తర్వాత క్రిష్ దర్శకత్వంలో హరిహర వీరమల్లు సినిమా చేస్తున్న సంగతి తెలిసిందే. ఈ సినిమాలో పవన్ కళ్యాణ్ కి జోడిగా నిధి అగర్వాల్ హీరోయిన్ గా నటిస్తోంది. ఈ సినిమా పూర్తయిన తర్వాత హరీష్ శంకర్ తో సినిమా మొదలు పెట్టాల్సి ఉంది.
ఈ సంవత్సరం జూలైలో కానీ ఆగస్టులో కానీ భవదీయుడు భగత్ సింగ్ సినిమా మొదలు పెట్టాలని అనుకుంటున్నారు. అయితే ఈ సినిమా గురించి ఎంతకీ క్లారిటీ లేకపోవడంతో ఇప్పటికే పవన్ కళ్యాణ్ ను కలిసిన హరీష్ శంకర్ సినిమాకు డేట్లు ఇస్తారా లేకపోతే నన్ను ఏదో ఒక సినిమా కంప్లీట్ చేసుకుని రమ్మంటారా అని సున్నితంగా అడిగినట్లు సమాచారం. అందుకు పవన్ కళ్యాణ్ షెడ్యూల్ ప్లాన్ చేయండి సినిమా చేద్దాము అని హామీ ఇచ్చినట్టు సమాచారం.
ఈ సినిమాలో పవన్ సరసన ముగ్గురు హీరోయిన్లు ఉండబోతున్నారు అను టాక్. పూజా హెగ్డే ను ఒక హీరోయిన్ గా తీసుకుంటున్నట్టు వార్తలు వినిపిస్తున్నాయి. ఇంకా ఇద్దరు హీరోయిన్లు ఎవరు అనే సమాచారం ఇంతవరకు లేదు. అయితే స్క్రిప్టు పని పూర్తి చేసుకున్న ఈ సినిమా త్వరలోనే మొదలు అవుతుంది. ఈ సినిమాలో పవన్ కళ్యాణ్ లెక్చరర్ పాత్రలో కనిపించనున్నారు.