ఏంటి వైసీపీ నేతకు జ‌గ‌న్ షాక్ ఇవ్వ‌డ‌మేంట‌ని అనుకుంటున్నారా.. అస‌లు మ్యాట‌ర్ ఏంటంటే.. ఆంధ్ర‌ప్ర‌దేశ్ గవర్నర్ కోటాలో పండుల రవీంద్ర బాబు ఎమ్మెల్సీ పదవి ద‌క్కించుకున్న సంగ‌తి తెలిసిందే. 2019 ఎన్నికల ముందు టీడీపీకి గుడ్ బై చెప్పేసి వైసీపీ చేరిన పండుల రవీంద్ర ఎంపీ సీట్ ఆశించారు. అయితే అప్ప‌టి ప‌రిస్థితుల కార‌ణంగా అది సాధ్యం కాక‌పోవ‌డంతో, పండుల‌కు త‌ప్ప‌కుండా ఎమ్మెల్సీ పదవి ఇస్తామ‌ని, అది కూడా మొద‌టి అవ‌కాశంలోనే ఇస్తామ‌ని జ‌గ‌న్ హామీ ఇచ్చారు.
అయితే ఇప్పుడు తాజాగా పండుల ర‌వీంద్ర‌కు ఎమ్మెల్సీ పదవి లభించింది. ఈ క్ర‌మంలో త‌న‌కు ఎమ్మెల్సీ పదవి ఇచ్చార‌ని తెలుకుని, షాక్‌కు గుర‌య్యాన‌ని గవర్నర్ కోటాలో ఎమ్మెల్సీ పదవి పొందిన పండుల రవీంద్ర అన్నారు. నాడు ఎన్నిక‌ల‌కు ముందు హామీ ఇచ్చిన జ‌గ‌న్, నేడు త‌న మాట‌ను నిల‌బెట్టుకున్నార‌ని, ఇంత త్వ‌ర‌గా నెర‌వేరుతుంద‌ని తాను ఊహించ‌లేద‌ని పండుల అన్నారు. ఈ క్ర‌మంలో సీయం జ‌గన్‌కు కృత‌జ్ఞ‌త‌లు తెలుపుతూ.. రాజ‌కీయాల్లో అనేక హామీలు ఇస్తార‌ని, అయితే అధికారంలోకి రాగానే ఆ హామీల్ని గాలికి వ‌దిలేస్తార‌ని, అయితే జ‌గ‌న్ మాత్రం తాను ఇచ్చిన హామీని అమ‌లు చేశార‌ని, నేటి రాజ‌కీయ‌ప‌రిస్థితుల‌కు భిన్నంగా మాట నిల‌బెట్టుకున్న జ‌గ‌న్‌ను చూసి షాక్ అయ్యాయ‌ని పండుల రవీంద్ర అన్నారు.