Oscar Range Technician : గత కొన్ని రోజులు నుంచి టాలీవుడ్ స్టార్ హీరో యంగ్ టైగర్ ఎన్టీఆర్ కి చెందిన సినిమాల లైనప్ మాంచి హాట్ టాపిక్ గా నడుస్తూ వెళుతుంది. తాను చేపట్టిన సినిమాల్లో ‘ఉప్పెన’ ఫేమ్ దర్శకుడు బుచ్చిబాబు సాన తో ప్లాన్ చేసిన సినిమా కూడా ఒకటి. ఈ బిగ్ ప్రాజెక్ట్ అధికారికంగా అనౌన్స్ చేయకపోయినా ఈ చిత్రంపై క్రేజ్ మాత్రం వేరే లెవెల్లో నెలకొంది.
దీనిని కూడా పాన్ ఇండియా లెవెల్లోనే ప్లాన్ చేస్తుండగా ఆ లెవెల్ కి తగ్గట్టుగానే ప్లానింగ్స్ ఆల్రెడీ మొదలైనట్టుగా ఇప్పుడు తెలుస్తుంది. ఇండస్ట్రీ వర్గాల్లో వినిపిస్తున్న ఇన్సైడ్ టాక్ ప్రకారం అయితే ఏకంగా ఆస్కార్ గ్రహీతని ఈ సినిమా కోసం దర్శకుడు బుచ్చిబాబు ప్లాన్ చేస్తున్నాడట.
సినిమాని చాలా సహజమైన బ్యాక్ డ్రాప్ తో ప్లాన్ చేస్తుండగా దానికి తగ్గట్టుగా సంగీతాన్ని అందులోనే అంతే స్థాయిలో గ్రాండ్ లెవెల్లో ఉండేందుకు ఇండియా లోనే టాప్ మోస్ట్ సంగీత దర్శకుడు అయినటువంటి ఏ ఆర్ రెహమాన్ ని దింపబోతున్నారట. అయితే ఇది ప్రస్తుతానికి గాసిప్ లానే వినిపిస్తుంది కాబట్టి నిజం అనుకోవడానికి లేదు. మరి వేచి చూడాలి ఈ చిత్రం విషయంలో ఏం జరుగుతుంది అనేది.