Chiranjeevi: కరోనా మహమ్మారి తగ్గి ఇప్పుడిప్పుడే పరిస్థితులు సద్దుమణుగుతున్నాయి అనుకుంటున్న క్రమంలోనే మరొకసారి కరోనా విజృంభిస్తుంది. ఒక వైపు కరోనా మరొకవైపు ఓమిక్రాన్ ఇలా రెండు వైరస్ లు రోజురోజుకీ చాపకింద నీరులా విస్తరిస్తున్నాయి. ఇకపోతే 2022 సంక్రాంతి సినిమాకు పాన్ ఇండియా సినిమాలు వరుసగా విడుదల అవుతాయి అని సినీ ప్రేక్షకులతో పాటు సినీ ఇండస్ట్రీ వారు కూడా అనుకున్నారు. అనుకున్న విధంగానే ఆర్ఆర్ఆర్ జనవరి 7న,రాధే శ్యామ్ సినీమా జనవరి 14న విడుదల చేస్తాము అని చిత్రబృందం ప్రకటించారు. కానీ ఊహించని విధంగా ఈ రెండు సినిమాలు కూడా సంక్రాంతి బరిలో నుంచి తప్పుకున్నాయి. ఇక సంక్రాంతికి బరిలో నాగార్జున నటించిన బంగార్రాజు సినిమా ఒకటే ఉంది.
అయితే రెండు పెద్ద పెద్ద సినిమాలు వాయిదా పడటంతో నెక్స్ట్ ఏ సినిమా వాయిదా పడుతుంది అన్న ప్రశ్న ప్రేక్షకుల మదిలో మెదులుతుంది. ఇక టాలీవుడ్ హీరో మెగాస్టార్ చిరంజీవి నటించిన ఆచార్య సినిమా ఫిబ్రవరి 4న విడుదల కావాల్సి ఉంది. ఈ సినిమాకు దర్శకుడు కొరటాల శివ దర్శకత్వం వహించిన విషయం తెలిసిందే. ఇందులో చిరంజీవితో పాటు రామ్ చరణ్ కూడా నటించాడు. అయితే ఈ సినిమా విడుదల తేదీ కూడా వాయిదా పడనుంది అని వార్తలు జోరుగా వినిపిస్తున్నాయి. ఒకవేళ ఇదే గనుక నిజమైతే చిరు అభిమానులకు కూడా నిరాశ తప్పదు. ఒకవైపు కరోనా, మరొకవైపు ఓమిక్రాన్ పరిస్థితులు, అదేవిధంగా ఆంధ్రప్రదేశ్ లో టికెట్ ధరల విషయాలను దృష్టిలో పెట్టుకొని ఈ సినిమా విడుదల తేదీని వాయిదా వేస్తారు అని వార్తలు వినిపిస్తున్నాయి.
ఇక ప్రస్తుతం ఉన్న పరిస్థితుల నేపథ్యంలో సినిమాను విడుదల చేస్తే నిర్మాత ఖచ్చితంగా నష్టాలే అని అంటున్నారు పరిశీలకులు. ఎందుకంటే రానున్న రెండు మూడు వారాలలో కరోనా పరిస్థితులు మరింత దారుణంగా మారబోతున్నాయి అని పరిశీలకులు అంచనా వేస్తున్నారు. అంతేకాకుండా ప్రభుత్వాలు కూడా మరీ కనుక ఆంక్షలు విధించే పనిలో ఉన్నారు అని తెలుస్తోంది. థియేటర్లను శాతం ఆక్యుపెన్సీ తో తెచ్చుకునే నియమం మళ్లీ తీసుకు వస్తారని కూడా అంటున్నారు. ఈ క్రమంలోనే ఈ రాత్రి సమయాలలో మళ్ళీ కర్ఫ్యూను పెడతారు అని సమాచారం. ఒకవేళ ఇదంతా జరిగితే సినిమాల వసూళ్లు అమాంతం పడిపోతాయి. ఇక రాదే శ్యామమ్, ఆర్ఆర్ఆర్ సినిమాల బాటలోకి కూడా ఆచార్య సినిమా వెళ్లనుంది అంటూ జోరుగా వార్తలు వినిపిస్తున్నాయి. ఒకవేళ ఇదే గనుక నిజమైతే సినిమా నిర్మాతలకు పెద్ద ఎత్తున నష్టం తప్పదు మరి. మరి ఈ విషయంపై చిత్రబృందం ఏవిధంగా స్పందిస్తారో చూడాలి మరి.