అక్కినేని కోడ‌లు స‌మంత ప్ర‌స్తుతం తీరిక‌లేనంత బిజీగా మారింది. మొన్న‌టి వ‌ర‌కు సామ్ జామ్ షోతో బిజీగా ఉన్న స‌మంత ఇప్పుడు ది ఫ్యామిలీ మెన్ 2 వెబ్ సిరీస్ ప్ర‌మోష‌న్ కార్య‌క్ర‌మాల‌లో పాల్గొంటుంది. ది ఫ్యామిలీ మెన్ 2 వెబ్ సిరీస్‌తో డిజిట‌ల్ మీడియాలోకి అడుగుపెట్టిన సామ్ ఇందులో నెగెటివ్ రోల్ పోషించింది. ఈ పాత్ర సమంతకు మంచి పేరు తెస్తుంద‌ని అంటున్నారు. అయితే ఈ అమ్మ‌డు ప్ర‌మోష‌న్ కార్య‌క్రమాల కోసం ముంబైలో ఉండ‌గా, త‌న స్టైలిస్ట్ ప్రీత‌మ్‌తో క‌లిసి ఫొటోలు దిగింది. ఓ ఫొటోలో ప్రీతమ్ జుకల్కర్ ఒళ్ళ్లో కాళ్లు పెట్టి సోఫాపై ప‌డుకుంది. ఆ ఫొటోకు నాలుగేళ్ల బంధం మాది అనే కామెంట్ కూడా పెట్టింది.
స‌మంత పోస్ట్‌కు వెంట‌నే స్పందించిన ప్రీతమ్ జుకల్కర్ ఐ ల‌వ్ యూ అనే కామెంట్ పెట్టాడు. దీంతో నెటిజ‌న్స్‌కు చిర్రెత్తింది. పెళ్ళైన నువ్వు వేరే వ్య‌క్తితో ఇంత స‌న్నిహితంగా ఉండ‌డం ఎంత వ‌ర‌కు క‌రెక్ట్ అంటూ కామెంట్ పెట్టారు. కొంద‌రైతే స‌మంత‌ని దారుణంగా ట్రోల్ చేశారు. ఇక చేసేదేం లేక పోస్ట్‌ని ఇన్స్టాగ్రామ్ నుండి తొలిగించింది. గ‌తంలోను సమంతకు నెటిజ‌న్స్ నుండి ఇలాంటి స‌మస్య‌లు రాగా, ప‌లు పోస్ట్‌లు డిలీట్ చేసిన విష‌యం తెలిసిందే.
గ‌త ఏడాది ఓ బేబి చిత్రంతో ప్రేక్ష‌కుల ముందుకు వ‌చ్చిన స‌మంత తాజాగా గుణ‌శేఖ‌ర్ ద‌ర్శ‌క‌త్వంలో తెర‌కెక్క‌నున్న శాకుంత‌లం సినిమాకు సైన్ చేసింది. ఇందులో శకుంత‌ల‌గా స‌మంత న‌టించ‌నుండ‌గా, ఆమె ఆ పాత్ర‌లో ఎలా ఉంటుందో అని అభిమానులు ఊహాలోచ‌న‌లు చేస్తున్నారు. మ‌రోవైపు అల్లు అరవింద్ ఆహా ఓటీటీ ప్లాట్‌ఫాం కోసం సామ్ జామ్ అనే షోని హోస్ట్ చేస్తుంది. ఈ షో తొలి పార్ట్‌లో ఏడుగురు సెల‌బ్రిటీల‌ను ఇంట‌ర్వ్యూ చేసి వారిద‌గ్గ‌ర నుండి ఆస‌క్తిక‌ర విష‌యాల‌ను రాబ‌ట్టింది. మ‌రోవైపు నందిని రెడ్డి ద‌ర్శ‌క‌త్వంలోను ఓ సినిమా చేయ‌నుంది. ఇందులో చైతూతో క‌లిసి న‌టించ‌నున్న‌ట్టు వార్త‌లు వినిపిస్తున్నాయి. దీనిపై క్లారిటీ రావ‌ల‌సి ఉంది.