Ram Charan: టాలీవుడ్ హీరో రామ్ చరణ్ గురించి ప్రత్యేకంగా పరిచయం అక్కర్లేదు. రామ్ చరణ్ ని ప్రస్తుతం బ్యాక్ టు బ్యాక్ సినిమాలలో నటిస్తూ బిజీ బిజీగా ఉన్న విషయం తెలిసిందే. ఆర్ఆర్ఆర్ మూవీతో పాన్ ఇండియా స్టార్ గా గుర్తింపు తెచ్చుకున్న రామ్ చరణ్ అదే ఊపుతో ఇప్పుడు మరిన్ని సినిమాలలో నటిస్తూ ఫుల్ బిజీగా ఉన్నారు. ఇకపోతే ఆర్ఆర్ఆర్ సినిమా తర్వాత వచ్చిన ఆచార్య సినిమా నిరాశపరచడంతో ఇప్పుడు అభిమానులు ఆశలన్నీ కూడా శంకర్ తెరకెక్కిస్తున్న గేమ్ ఛేంజర్ సినిమాపై పెట్టుకున్నారు.
సినీ ప్రేక్ష‌కులు ఈ సినిమా కోసం ఎంతో ఆతృత‌గా ఎదురు చూస్తోన్న సంగ‌తి తెలిసిందే. ఇప్పటికే ఈ సినిమా విడుదల కావాల్సి ఉండగా పలు కారణాల వల్ల వాయిదా పడుతూనే వస్తోంది. కాగా ఈ సినిమాను అనిత స‌మ‌ర్ప‌ణ‌లో శ్రీ వెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌ పై దిల్ రాజు, శిరీష్ అన్‌కాంప్ర‌మైజ్డ్‌ గా నిర్మిస్తున్న విషయం తెలిసిందే. కాగా ఈ మూవీ సంక్రాంతి కానుకగా ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన పోస్టర్స్, సాంగ్స్, టీజర్ ప్రేక్షకులను విపరీతంగా ఆకట్టుకున్నాయి. ఇక గేమ్ ఛేంజర్ సినిమా తర్వాత రామ్ చరణ్ బుచ్చిబాబు దర్శకత్వంలో సినిమా చేస్తున్నాడు.
ఇటీవలే ఈ సినిమా పనులు మొదలయ్యాయి. ఇదిలా ఉంటే ఈ సినిమా తర్వాత రామ్ చరణ్ కన్నడ దర్శకుడితో సినిమా చేస్తున్నాడని టాక్ వినిపిస్తున్న విషయం తెలిసిందే. అతను ఎవరో కాదు నర్తన్. కన్నడ ఇండస్ట్రీలో నర్తన్ దర్శకుడిగా మంచి క్రేజ్ తెచ్చుకున్నాడు. తాజాగా నర్తన్ మాట్లాడుతూ..నా తదుపరి చిత్రాన్ని కెవిఎన్ ప్రొడక్షన్ నిర్మిస్తుంది. ఆ సినిమాలో ప్రధాన పాత్రధారుల ఎంపిక జరుగుతోంది. మా సినిమాకు సూర్య, రామ్ చరణ్ సరిపోతారని అనుకున్నాము. ఈ సినిమాలో కన్నడ స్టార్ నటుడు కూడా నటించే అవకాశం ఉందా లేదా అనేది రానున్న రోజుల్లో తేలిపోనుంది. ప్రస్తుతానికి నిర్మాణ సంస్థ మాత్రమే ఫైనల్ అయ్యింది అని తెలిపారు. దాంతో నర్తన్ రామ్ చరణ్ తో సినిమా ఛాన్స్ లు ఎక్కువ ఉన్నాయి అని అంటున్నారు. మొత్తంగా చూస్తుంటే రామ్ చరణ్ ఇప్పుడు బ్యాక్ టు బ్యాక్ సినిమాలకు సైన్ చేస్తూ ఫుల్ ఫామ్ లో ఉన్నారు. ఈ సినిమాలతో పాటు మరికొన్ని సినిమాలకు కూడా గ్రీన్ సిగ్నల్ ఇచ్చే అవకాశాలు ఉన్నట్లు తెలుస్తోంది.