Marketing Guru Jakkanna Rajamouli : నేర్చుకుంటే వచ్చేసే విద్య కాదది.! అదో టెక్నిక్. అందరికీ అది అర్థమయ్యే విషయం కానే కాదు. రాజమౌళి.. ఈ పేరు గత కొంతకాలంగా ఇండియన్ సినిమా స్క్రీన్పై కనీ వినీ ఎరుగని సంచలనాలకు కేరాఫ్ అడ్రస్ అవుతోంది.
‘బాహుబలి’ సినిమాని దర్శకుడిగా రాజమౌళి తెరకెక్కించిన విధానం ఓ వైపు, ఆ సినిమాని ఆయన మార్కెటింగ్ చేసుకున్న విధానం ఇంకో వైపు.! వెరసి ఇండియన్ సినిమాకి దర్శకుడు రాజమౌళి నేర్పిన మార్కెటింగ్ టెక్నిక్స్.. అద్భుతః
దర్శకుడనాలా.? మార్కెటింగ్ గురు అనాలా.? ఎవరన్నా ఏమన్నా అనుకోండి.. సినిమా తెరకెక్కించడం మాత్రమే కాదు, ప్రేక్షకుల పల్స్ తెలుసుకుని సినిమాని తెరకెక్కించడం.. దాన్ని ప్రేక్షకుల దగ్గరకు చేర్చడం.. ప్రేక్షకుల మెప్పు పొందడం.. లోపాల్ని సరిదిద్దుకోవడం వంటివన్నీ దర్శకుడి బాధ్యతలేనని రాజమౌళి అంటాడు.
నిజమే, ‘ఆర్ఆర్ఆర్‘ విషయంలో అదే జరిగింది. ‘బాహుబలి’ కథ వేరు, దాని రీచ్ వేరు. కానీ, ‘ఆర్ఆర్ఆర్’ సినిమాకీ రాజమౌళి టెక్నిక్స్ వర్కవుట్ అయ్యాయంటే చిన్న విషయం కాదు. అందుకే, రాజమౌళి దగ్గర మార్కెటింగ్ పాఠాలు నేర్చుకోడానికి చాలామంది సినీ జనాలు ప్రయత్నిస్తున్నారు.
‘అదేమీ బ్రహ్మ విద్య కాదు అర్థం కాకపోవడానికి..’ అని రాజమౌళి చెబుతాడుగానీ, ఆయన చెబుతున్న మార్కెటింగ్ పాఠాలు ఇంకెవరికీ సరిగ్గా ఎక్కడంలేదు. నేర్చుకోవాల్సిందే.. కానీ, అర్థం కాకపోతే ఎలా.?