మీకు దురద పెడితే ఏం చేస్తారు.. ఆ.. ఏం చేస్తాం.. చేయితో గోక్కుంటాం. లేకపోతే నువ్వొచ్చి గోకుతావా? ఏంటి.. అని అంటారా? ఎవరైనా దురద పెడితే చేయితోనే గోక్కుంటారు. కానీ.. ఈ వ్యక్తికి మాత్రం దురద పెడితే జేసీబీతో గోకించుకుంటాడు. అదే తేడా.. షాక్ అయ్యారు కదా.. వీడియో చూస్తే ఇంకా షాక్ అవుతారు.
ఈ ఘటన కేరళలో చోటు చేసుకున్నది. సాధారణంగా జేసీబీని తవ్వకాల కోసం ఉపయోగిస్తాం. కానీ.. ఓ కూలీ.. తనకు విపరీతంగా దురద పెడుతుండటంతో ఏం చేయాలో పాలుపోలేదు. దీంతో వెంటనే జేసీబీ ఆపరేటర్ ను రిక్వెస్ట్ చేసి మరీ… జేసీబీ చేయితో తన వీపు గోకాలంటూ అడిగాడు.
దీంతో జేసీబీ ఆపరేటర్ కూడా తన రిక్వెస్ట్ కు ఓకే చెప్పి.. ఆ వ్యక్తి వీపును జేసీబీతో గోకాడు. ఫన్నీగా జేసీబీ అతడి వీపు గోకుతుండగా… పక్కన ఉన్నవాళ్లు వీడియో తీసి సోషల్ మీడియాలో అప్ లోడ్ చేశారు. దీంతో ఆ వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. వీపు మాత్రమేనా ఇంకా ఏమైనా గోకాలా.. అన్నట్టుగా జేసీబీ ఆపరేటర్.. జేసీబీని అతడి పొట్ట మీద పెట్టేసరికి.. నవ్వుకుంటూ అక్కడి నుంచి వెళ్లిపోయాడు.