ఒరేయ్.. నువ్వు చెట్టు మీద కూర్చొని దాన్నే నరికేసే బాపతురా అనే సామెతను విన్నారా? ఎప్పుడైనా.. వినే ఉంటారు కానీ.. ఎప్పుడూ చూడలేదు కదా. కానీ.. ఇప్పుడు ఆ సామెత నిజం అయింది. అవును.. ఓ వ్యక్తి తను పైకి ఎక్కి కూర్చున్న చెట్టునే నరికేశాడు. చదవడానికి వింతగా ఉన్నా వీడియో చూస్తే మీకు ఫుల్లు క్లారిటీ వచ్చేస్తుంది.
ఈ ఘటన ఎక్కడ జరిగిందో తెలియదు కానీ.. వీడియో మాత్రం విపరీతంగా వైరల్ అవుతోంది. ఒక వ్యక్తి ఆకాశమంత ఎత్తు ఉన్న సన్నటి తాటి చెట్టు పైకి ఎక్కాడు. దాని మట్టల భాగం వరకు వెళ్లి.. పైన ఉండే చెట్టు పైభాగాన్ని మొత్తం కట్ చేశాడు. అప్పటి వరకు ప్రశాంతంగా ఉన్న ఆ చెట్టు.. దాని పైభాగం కూలిపోవడంతో బ్యాలెన్స్ తప్పిపోయి ఊగడం ప్రారంభించింది.
దీంతో.. ఆ వ్యక్తి కాస్త భయపడినప్పటికీ.. చివరకు ఎలాగోలా బ్యాలెన్స్ చేసుకోగలిగాడు. అయినప్పటికీ.. ఊగుతున్న తాటిచెట్టుతోనే మనోడు కూడా కాసేపు అలాగే ఊగాడు.
ఓమైగాడ్.. ఓమైగాడ్.. అంటూ అక్కడ ఉన్న వాళ్లు అరవడం ప్రారంభించారు. నెటిజన్లు కూడా ఆ వీడియోను చూసి ముక్కున వేలేసుకుంటున్నారు. నోరెళ్లబెడుతున్నరు. ఇదేం పిచ్చిరా బాబు.. అంటూ కామెంట్లు పెడుతున్నారు.
ఈ వీడియోను అమెరికాకు చెందిన బాస్కెట్ బాల్ మాజీ ఆటగాడు రెక్స్ చాప్మన్ తన ట్విట్టర్ లో షేర్ చేశాడు. అంతే ఇక.. ఆ వీడియో హద్దు పద్దు లేకుండా సోషల్ మీడియాలో స్వైర విహారం చేస్తోంది.
మీరు కూడా ఓసారి ఆ వీడియోపై లుక్కేయండి..
Ever seen anyone cut a really tall palm tree?
Oh my god… https://t.co/O0sde0ZCz0
— Rex Chapman🏇🏼 (@RexChapman) September 25, 2020