Mahesh Babu Solid Review : టాలీవుడ్ స్టైలిష్ స్టార్ ని కాస్తా ఐకాన్ స్టార్ గా చేసిన లేటెస్ట్ చిత్రం “పుష్ప పార్ట్ 1” దర్శకుడు సుకుమార్ తెరకెక్కించిన ఈ మోస్ట్ అవైటెడ్ సినిమా ఎట్టకేలకు అనేక ఇబ్బందుల నడుమే రిలీజ్ అయ్యి థియేటర్స్ లో దంచికొట్టింది. ఒక్క తెలుగు భాషలోనే కాకుండా టోటల్ పాన్ ఇండియా వైడ్ ఓవర్సీస్ అన్నిటిలో పుష్ప రాజ్ తన దమ్ము చూపించాడు.
ఇక ఇదిలా ఉంటే ఈ సినిమాకి సినీ స్టార్స్ నుంచి ఆదరణ మాత్రం ఏమాత్రం తగ్గడం లేదు. అనేక మంది బాలీవుడ్ టాలీవుడ్ స్టార్స్ కొనియాడిన ఈ చిత్రానికి ఇప్పుడు మన టాలీవుడ్ సూపర్ స్టార్ మహేష్ బాబు పగిలిపోయే రివ్యూ ఇవ్వడం వైరల్ గా మారింది.
“పుష్ప గా అల్లు అర్జున్ స్టన్నింగ్ గా చాలా ఒరిజినల్ గా సెన్సేషనల్ గా ఉన్నాడు. అతనిది ఒక అద్భుతమైన నటన. అలాగే సుకుమార్ మళ్ళీ తన సినిమాలు ఎంత నాటుగా నీటుగా నిజాయితీగా ఉంటాయో మళ్ళీ ప్రూవ్ చేసుకున్నాడు. ఇక దేవిశ్రీ ప్రసాద్ నీకోసం ఏం చెప్పాలి? నువ్వొక రాక్ స్టార్. మొత్తం టీం అందరికీ కూడా కంగ్రాట్స్ చెబుతున్నాను అని సినిమా నిర్మాణ సంస్థ మైత్రి మూవీ మేకర్స్ తో మీ అందరిని చూసి ఎంతో గర్విస్తున్నాను”.
అని మహేష్ బాబు అదిరిపోయే రివ్యూ పుష్ప సినిమా చూసాక ఇచ్చాడు. దీనిని బట్టి పుష్ప సినిమా మహేష్ కి ఏ రేంజ్ లో నచ్చేసిందో అర్ధం అవుతుంది. దీనితో చిత్ర బృందం ఆనందం వ్యక్తం చేస్తుండగా మహేష్ రివ్యూ మాత్రం ఓ రేంజ్ లో వైరల్ అవుతుంది.