చాలా సందర్భాల్లో ఒక హీరో నటించాల్సిన సినిమాలో మరొకరు నటించి విజయాలు సాధించిన సందర్భాలు ఉన్నాయి. కమెడియన్ అలీ కెరీర్ ను మలుపు తిప్పిన సినిమాలలో యమలీల సినిమా ఒకటి. అప్పటివరకు కామెడీ రోల్స్ లో నటించిన అలీ ఈ సినిమాతో హీరోగా మారడంతో పాటు కమర్షియల్ సక్సెస్ ను ఖాతాలో వేసుకున్నారు. ఎస్వీ కృష్ణారెడ్డి డైరెక్షన్ లో తెరకెక్కిన ఈ సినిమా సంచలన విజయాన్ని సొంతం చేసుకుంది.
ఈ సినిమాలో కామెడీ అద్భుతంగా ఉండటంతో పాటు తల్లీకొడుకుల సెంటిమెంట్ ఈ సినిమా సక్సెస్ లో కీలక పాత్ర పోషించింది. మహేష్ బాబు ఈ సినిమాలో నటించి ఉంటే మాత్రం అలీ ఈ సినిమాలో నటించే ఛాన్స్ మిస్ చేసుకునేవారు. ఒక విధంగా అలీ కెరీర్ మలుపు తిరగడానికి మహేష్ బాబు కారణమయ్యారని చెప్పవచ్చు. ఈ సినిమా తీసే సమయానికి మహేష్ బాబు పలు సినిమాలలో బాలనటుడిగా నటించారు.
ఎస్వీ కృష్ణారెడ్డి హీరో కృష్ణకు కథ చెప్పగా కృష్ణకు కూడా ఆ కథ ఎంతగానో నచ్ఛింది. అయితే కొన్ని ఇబ్బందులు ఎదురు కావడంతో మహేష్ బాబుతో అలీ సినిమాను తెరకెక్కించలేకపోయారు. కృష్ణ చేసిన స్పెషల్ సాంగ్ ఈ సినిమాకు హైలెట్ గా నిలిచిన సంగతి తెలిసిందే. స్టార్ హీరో నాగార్జున చేతుల మీదుగా ప్రారంభమైన ఈ సినిమా నిర్మాతలకు కళ్లు చెదిరే స్థాయిలో లాభాలను అందించింది.
యమలీల సినిమా విడుదలకు రెండు వారాల ముందు భైరవద్వీపం సినిమా విడుదలైంది. ఈ సినిమా రిలీజ్ కు వారం రోజుల ముందు హలో బ్రదర్ సినిమా విడుదలైంది. ఎస్వీ కృష్ణారెడ్డి యమలీల సినిమాకు సీక్వెల్ గా యమలీల2 సినిమాను తెరకెక్కించారు. అయితే యమలీల సక్సెస్ సాధించిన స్థాయిలో యమలీల2 సక్సెస్ సాధించలేదు.