Balayya And Gopichand Movie : నందమూరి నటసింహం నందమూరి బాలకృష్ణ హీరోగా నటించిన లేటెస్ట్ చిత్రం “అఖండ”. దర్శకుడు బోయపాటి శ్రీను తో చేసిన ఈ సినిమాతో బాలయ్య తమ కెరీర్ లో హ్యాట్రిక్ విజయాన్ని అందుకోవడమే కాకుండా తన కి సాలిడ్ కం బ్యాక్ గా ఇది నిలిచింది. దీనితో ఈ సినిమా హిట్ తర్వాత బాలయ్య లైనప్ పై మరింత ఎనర్జిటిక్ అంచనాలు నెలకొన్నాయి.
మరి వాటికి తగ్గట్టుగా మరో మాస్ దర్శకుడు అయినటువంటి గోపీచంద్ మలేనినేనితో ఒక పవర్ ఫుల్ ప్రాజెక్ట్ ని ఓకే చేశారు. అయితే ఈ చిత్రం పై కూడా భారీ అంచనాలు నెలకొనగా ఇప్పుడు దీనిపై ఇంట్రెస్టింగ్ బజ్ వినిపిస్తుంది. మేకర్స్ ఈ చిత్రాన్ని ఈ ఫిబ్రవరి 16 నుంచి షూటింగ్ ని స్టార్ట్ చేసుకోనున్నట్టు తెలుస్తుంది.
అలాగే ఈ షూట్ ని చిత్ర యూనిట్ అదిరే యాక్షన్ బ్లాక్ తోనే ప్లాన్ చేసినట్టు తెలుస్తుంది. అంతే కాకుండా ఈ షెడ్యూల్ ని పెద్దది గానే ప్లాన్ చేశారట. ఇప్పటికే దర్శకుడు గోపీచంద్ తన లాస్ట్ సినిమా “క్రాక్” లో ఎలాంటి ఫైట్స్ చూపించాడో చూసాం.
అలాగే అఖండ లో బాలయ్య మైండ్ బ్లోయింగ్ యాక్షన్ కోసం అయితే చెప్పనక్కర్లేదు. ఇక ఇప్పుడు ఈ ఇద్దరి కలయికలో ఆ భారీ యాక్షన్ ఎలా ఉంటుందో ఊహించవచ్చు. ఇక ఈ సినిమాలో శృతి హాసన్ హీరోయిన్ గా నటిస్తుండగా మైత్రి మూవీ మేకర్స్ నిర్మాణం వహిస్తున్నారు.