Bheemla Nayak : గాడ్ ఆఫ్ మాసెస్ పవర్ స్టార్ పవన్ కళ్యాణ్ మరియు టాలీవుడ్ హల్క్ హీరో రానా దగ్గుబాటి లు ప్రధాన పాత్రల్లో నిత్యా మీనన్ మరియు సంయుక్త మీనన్ లు హీరోయిన్ లుగా నటించిన లేటెస్ట్ భారీ సినిమా “భీమ్లా నాయక్”. భారీ స్థాయి అంచనాలు నెలకొల్పుకున్న ఈ సినిమా నిన్న థియేటర్స్ లో రిలీజ్ అయ్యి పవన్ కెరీర్ లో మరో సాలిడ్ బ్లాక్ బస్టర్ గా నిలిచింది.
అయితే ఈ చిత్రం విడుదల అంతా కూడా ఆకస్మికంగా జరిగిపోయిన సంగతి అందరికీ తెలిసిందే. సడెన్ అనౌన్సమెంట్ తో ఒక్కసారిగా మాంచి హైప్ ని ఈ చిత్రం తెచ్చుకుంది. అయితే దీనితో పాటుగా ఈ చిత్రాన్ని మేకర్స్ హిందీలో కూడా రిలీజ్ చేస్తున్నట్లు ప్రకటించగా మరిన్ని అంచనాలు ఈ సినిమాపై నెలకొన్నాయి. కానీ తర్వాత ఈ రిలీజ్ కి సంబంధించి ఎక్కడా హడావుడి కనిపించలేదు. ఫైనల్ గా హిందీలో రిలీజ్ కూడా కాలేదు.
మరి ఇప్పుడు ఈ సినిమా ఎందుకు విడుదల కాలేదో అసలు అవుతుందో లేదో అనే దానికి సమాధానం తెలుస్తోంది. ఈ సినిమా నిజానికి హిందీలో కూడా ఒకేసారి రిలీజ్ కావాల్సి ఉందట. కానీ సినిమా డబ్బింగ్ పనులు మ్యానేజ్ చెయ్యలేకపోవడం మూలాన హిందీలో రిలీజ్ ఆగిపోయిందట. మరి దీన్ని మళ్లీ ఇప్పుడు రిలీజ్ చేస్తారు అనేది కూడా తెలుస్తోంది. ఇంకో వారం రోజులు అలా గ్యాప్ తీసుకొని హిందీలో భీమ్లా నాయక్ ని విడుదల చేయనున్నారట. మరి దీనిపై ఇంకా అధికారిక క్లారిటీ రావాల్సి ఉంది.