Sridevi-Nephew: సినిమా ఇండస్ట్రీలో ఎన్నో సినిమాలలో నటించి ఎంతో మంది కలల రాకుమారిగా,అతిలోక సుందరిగా అందరి మదిలో చెరగని ముద్ర సంపాదించుకున్న నటి శ్రీదేవి గురించి ప్రత్యేకంగా చెప్పాల్సిన పనిలేదు. ఈమె ఎన్నో భాషలలో వందల చిత్రాల్లో నటించి విశేష ప్రేక్షకాదరణ సంపాదించుకున్న శ్రీదేవి తెలుగు తమిళ కన్నడ హిందీ భాషలలో హీరోలందరి సరసన నటించి బ్లాక్ బాస్టర్ విజయాలను తన ఖాతాలో వేసుకుని ఇండియన్ స్టార్ హీరోయిన్ గా గుర్తింపు సంపాదించుకున్నారు.ఈమె మరణాంతరం ఈమె వారసురాలిగా ఇండస్ట్రీలోకి తన పెద్ద కుమార్తె జాన్వీ కపూర్ ఎంట్రీ ఇచ్చారు.
ప్రస్తుతం జాన్వి కపూర్ బాలీవుడ్ ఇండస్ట్రీలో పలు చిత్రాల్లో నటిస్తూ బిజీగా ఉన్నారు. ఇక ఈమె తెలుగులో అరంగ్రేటం చేయడానికి ప్రయత్నాలు చేస్తోందని ఏదైనా మంచి అవకాశాలు వస్తే తెలుగులో నటించడానికి సిద్ధంగా ఉన్నట్లు వార్తలు కూడా వస్తున్నాయి. ఇదిలా ఉండగా శ్రీదేవి ఇంటి నుంచి మరొక వారసురాలు ఇండస్ట్రీలోకి అడుగు పెట్టడానికి రంగం సిద్ధమైంది. శ్రీదేవి నటన వారసురాలిగా తన మేనకోడలు శిరీష సినీ ఇండస్ట్రీ లోకి రావడానికి ప్రయత్నాలు చేస్తున్నట్లు సమాచారం.
ఇప్పటికే ఓ ప్రైవేటు మ్యూజిక్ వీడియో సాంగ్లో ఆమె కనువిందు చేస్తోంది. కేరళ నేపథ్యంలో అక్కడి సాంప్రదాయంలో ఓ లవ్ ట్రాక్ పై ఈ వీడియో సాంగ్ తెరకెక్కింది. ఇక ఈ వీడియో సాంగ్ అందరినీ ఆకట్టుకుంది. ఇందులో మరొక స్టార్ హీరో మనవడు నటించడం విశేషం నడిగర్ తిలకం’ శివాజీ గణేశన్ మనవడు దర్శన్, శిరీషకు జోడిగా నటించాడు. ఇలా ఈ వీడియో పాట ద్వారా ప్రేక్షకులను ఆకట్టుకున్న శిరీష త్వరలోనే సినీ ఇండస్ట్రీలోకి అడుగు పెట్టబోతున్నట్లు తెలుస్తుంది. ఇక శ్రీదేవి చిన్న కూతురు త్వరలోనే ఇండస్ట్రీ అరంగ్రేటం చేయనుంది.