Koratala Siva : యంగ్ టైగర్ ఎన్టీఆర్ ప్రస్తుతం తన బిగ్గెస్ట్ పాన్ ఇండియన్ సినిమా “రౌద్రం రణం రుధిరం” ప్రమోషన్స్ లో నిర్విరామంగా పాల్గొని ఇప్పుడు ఊహించని బ్రేక్ లో ఉన్నాడు. ఇక ఈ గ్యాప్ లో అయితే ప్రస్తుతానికి ఫ్యామిలీ తోనే టైం గడుపుతున్న తారక్ పరిస్థితులు బాగుంటే వచ్చే నెలలో అలా కొత్త సినిమా షూట్ లో పాల్గొననున్నారు.
అయితే ఇప్పుడు తారక్ లైనప్ లో తన బ్లాక్ బస్టర్ దర్శకుడు కొరటాల శివ తెరకెక్కించనున్న మరో సినిమా ఉన్న సంగతి తెలిసిందే. ఇది ఎన్టీఆర్ 30వ సినిమా వస్తుండడం పైగా ఇది కూడా పాన్ ఇండియా లెవెల్లోనే తెరకెక్కుతుండడంతో దీనిపై అనేక అంచనాలు నెలకొన్నాయి.
మరి ఇదిలా ఉండగా ఈ సినిమాపై లేటెస్ట్ బజ్ ఒకటి వినిపిస్తుంది. దర్శకుడు కొరటాల మాత్రం ఈ సినిమా స్క్రిప్ట్ ని ఇంకా ఫైనల్ చేసే పనిలోనే ఉన్నారట. అంటే ఈ సినిమా కథ పూర్తి స్థాయిలో అనుకున్న స్థాయిలో కంప్లీట్ అవ్వలేనట్టే అని చెప్పాలి. మరి దీనిని కొరటాల అతి త్వరలోనే ఫినిష్ చేసి సాధ్యమైనంత త్వరగానే షూటింగ్ కూడా స్టార్ట్ చేయనున్నారట. మరి ఈ సినిమా ఎప్పుడు మొదలు అవుతుందో చూడాలి.